قساوه الحب

البارت الثانى

اتمنى البارت يعجبكم

روايه (قساوه الحب ) البارت الثانى

بقلم✍️ ملك فريد لطفى

محمد ايه يا ادهم كانت عوزاك في ايه البنت دي.

ادهم انا مش عارف انت بتضايق من البنت دي ليه انا مش شايف سبب لطريقتك دي معاها.

محمد ايه ده انت ادهم صاحبي واخويا عمرك يعني مادافعت عن بنت ومش لاقي غير اماني دي تدافع عنها.

ادهم لاء انا مش بدافع بس مستغربك اوي انك بتضايق منها من غير اي سبب ولا في سبب وانا مش عارف.

محمد لا ابدا مافيش اي حاجه انا بشوفها بضايق وبعدين انت مش شايف انها واخده اكتر من حقها معانا.

ادهم طيب يلا بينا نروح وتعالي نتغدا مع بعض بابا مستنيك معانا علي الغدا.

محمد ايوه كده هو ده الكلام الي علي حق مش تقولي ست..... ولا بلاش يلا بينا.

ادهم لجاسمين.

جاسمين انا مروح تقدري انت كمان تروحي سلام.

نزلوا وراحوا علي البيت.

فريد اهلا بأولادي انتوا اتأخرتوا انهارده ليه.

محمد والله يا عمي فريد انهارده كان يوم حافل بجد.

ادهم اه والله يا بابا يوم باين من أوله.

فريد خير بس في ايه انتوا قلقتوني علي الشغل تحبوا انزل معاكوا الشركه تاني من بكره.

ادهم يا بابا انا مش عاوزك تقلق من ناحيه الشركه طول ماانا ومحمد ايد واحده فيها.

محمد والله يا عمي انا هفضل في ضهر ادهم لاخر يوم في عمري.

فريد ربنا يباركلي فيكم يلا بقي بطلوا كلام وكملوا اكلكم.

محمد انا خلصت اكل الحمد لله.

فريد يابني انت كلت ايه انا نفسي اشوفك بتاكل زي البنأدمين.

محمد هههههههه والله يا عمي انا كده علي اخري ممكن اشرب قهوتي بس مافيش مكان لغير القهوه خلالاص.

فريد قام وطلب قهوه وقعد يسمع منهم عن الي حصل في الشركه وازاي ملفات تخرج من الشركه ولازم يعرفوا مين بيعمل كده ويحاسبوه.

محمد انا همشي بقي ياعمي شكرا على الغدا الجامد ده.

ادهم الي يسمعك يقول انك كلت اوي.

محمد يابني انا معدتي صغننه القليل يكفيها.

فريد اقعد يامحمد انت هتروح ليه ولمين خاليك قاعد معانا.

محمد بص يا عمي انا اخدت علي العيشه لوحدي.

فريد اقعد وسطينا بدل العيشه الي انت عايشها دي وحيد مافيش حد يهتم بيك ولا يسأل عليك.

محمد ياعمي انا خدت علي العيشه دي خلاص.

ادهم سيبه يابابا بحريته ده له دماغ مريحاه لوحده.

محمد متقلقش يا عمي عليا انا هعيشلي يومين قبل ماتجوز واتحبس في بيت الزوجيه هههههههه.

فريد انت فظيع اوي يا محمد خلاص براحتك.

محمد متزعلش ياعمي سلام ياادهم.

ادهم سلام يا حبيبي، بعد اذنك يا بابا انا هطلع انا كمان اوضتي اريحلي ساعه بعد الغدا.

فريد اطلع ياحبيبي.

ادهم طلع الاوضة....

دخل علي السرير ومدد جسمه علي السرير ولسه هيروح في النوم لقي موبايله بيرن رنت الرساله فاق عليها ومسك الموبايل فتحه لقه طلب صداقه من موني العزيزي.

ادهم موني ممكن تكون هي ولا انا الي بيتهيألي اهتمامها بيه بس لو هي دي تبقي جريئه اوي وممكن متكونش هي اصلا انا هحاول انام تاني وطفي النور من تاني وبيحاول ينام تاني سمع صوت رساله.

ادهم ياه هو في ايه انا مش مكتوبلي انام ولا ايه مالك ياادهم انت مش مظبوط خالص فيك ايه واشمعني دي الي شغلتك ولفتت نظرك كده لوانك كنت بتكره ايه حاجه تحرك قلبك اوتحسسك بضعف انت هتضعف ولا ايه.

ادهم قام قعد ومسك موبيله بيشوف مين الي عمال يبعت رسايل كتير ورا بعض كده.

ايه ده معقوله يعني انا قلبي دليلي بس مش ممكن تكون هي ولا ده الي نفسي فيه.

فتح الرساله انا ولاء الي عند حضرتك في الشركه كنت بس حابه اطمن عليك لحسن حضرتك كنت متعصب اوي انهارده وكنت قلقانه عليك ومتزعلش مني لو كنت عديت حدودي وبعتلك طلب صداقه يعني بس ياريت تطمني عليك.

ادهم بص للرسايل ومتفاجأ بس من جواه قلبه بيرقص من الفرحه من الي بيقراه ومش عارف يرد يقول لها ايه هو ممكن يكون فعلا حصل وهي كمان معجبه بيه زي ماانا.

ادهم هو انت معجب بيها ولا ايه فوق كده واقعد وفكر قبل اي خطوه هي مجرد موظفه عندك.

بس ايه يعني انا شايف انها شيك واستايل وتليق بيك وبعيلتك.

طيب ابوك هيوافق انت عارف بابا مش هيقبل اي واحده زوجه ليه الا لما تكون من عيله كبيره زينا.

هو في ايه يا ادهم انت كل ده بيدور في دماغك ليه طيب مش لما تشوفها الاول عندها نفس احساسي ولا كل ده تهيأت من نحيتي بس.

طيب ماترد انا عمال تكلم نفسك كده ليه انت مالك يعم ادهم خايف ترد ولا ايه.

لاء خلاص هرد واشوف هي عاوز ايه.

ادهم اهلا انسه اماني انا بخير متقلقيش عليا.

اماني انا بس كنت قلقانه عليك اعذرني اني تعديت حدودي معاك.

ادهم لاء ابدا انا متشكر لاهتمامك ده احنا تيم واحد اكيد من حقك تسألي عليا.

اماني انا سعيده اني بشغل معاكم في الشركه انت انسان محترم واي بنت تتمني انها تكون شغاله معاك ادهم ابن فريد بيه الراوي.

ادهم قصدك علشان انا ابن فريد بيه بس.

اماني لاء مقصدش والله انت تشرف اي موظف عندك انه بيقي في التيم بتاع حضرتك وانا اسفه لو كنت ضايقتك.

ادهم لنفسه ايه ده هو انا متسرع كده ليه، خلاص ياانسه مافيش مشكلة وانا مبسوط كمان انك بتطمني عليا كمان.

اماني شافت الرساله ايوه بقي شكله هيبدأ يتحرك ااهه.

اماني شكرا يا ادهم اظن اننا مش في الشغل وياريت تسمحلي اننا نبقي أصدقاء.

ادهم بتسرع اوكي ياريت.

اماني ياس ايوه بقي، علي فكره انا بقعد في كافيه بعد الضهر انا واصحابي لو تحب تغير جو تعالي اقعد معانا.

ادهم مش عارف مابحبش جو الشله والاصحاب الكتير ده.

اماني صدقني هتنبسط انا هبعتلك اللوكيشن وانت فكر ومش هتندم.

ادهم هيقوم ينط من علي السرير.

فريد دخل علي ادهم ايه ده ياادهم انا فكرك نايم انت مالك واقف كده ليه يابني هههههههه.

ادهم اتفاجأ من والده وات**ف ومش عارف يقول ايه، لا ابدا ده انا كنت هنزل اقابل عمله علشان اشوف اللغبطه الي في الشغل دي سببها ايه.

ادهم لقي نفسه ومن غير تفكير بيلبس وبيتشيك اخر شياكه وجاهز ونازل.

ادهم لنفسه ايه بس الي انت بتعمله انت اول مره متفكرش في الي بتعمله انت شايف انك كده صح ولا ايه ايه الحركات المجنونه دي وضحك هههههههه.

نزل ادهم من غير تفكير وهو مش عارف يرد علي نفسه ايه الي حصله انهارده البنت دي شغلاه كده ليه.

ركب عربيته وبص في موبيله علي اللوكيشن الي بعتتهوله واتجه في طريقه للكافيه.

اماني لسها زميلتها تفتكري هيجي.

سها انت بتتكلمي علي مين ياموني انتي اتجننتي ولا ايه انت بتكلمي نفسك.

اماني هههههههه وابتسامة لاء مش بكلم نفسي بكلمك انت يابلوه.

سها قصدك ايه طيب بس فهميني اصلك انت لما بتحطي حاجه في دماغك بتفزيها.

اماني طيب بس ياختي طول عمرك علي ماتفهمي الموضوع يبقي عاوزه يوم لوحدك.

سها طيب علشان خاطري فهميني.

اماني طيب بصي يا ستي ولسه بتتكلم ولقت عربيت ادهم بتركن قدام الكافيه، هههههههه ااهه الموضوع كله وصل اهه اتف*جي وركزي وانتي هتفهمي.

سها مش فاهمه حاجه انتي بتقولي الغاز ولا ايه.

لقت شاب وسيم وطويل واخر شياكه يعني طول بعرض وحلاوة.

سها شوفي ياموني القمر الي جاي علينا ده.

اماني اهه ده الموضوع الي انت مش فهماه ياغ*يه.

سها انت قصدك انه القمر ده جاي ليكي.

اماني اسكتي بقي لتفضحينا

ادهم ازي حضرتك انا مش مصدقه انك ممكن كنت تيجي لغايت هنا كنت فكراك مش هترضي.

ادهم ليه بس انا شايف الموضوع عادي.

اماني انا بس كنت خايفه لحضرتك ماتحبش تكون صدقات مع موظفه عندك.

سها بصه لاماني وهي بتكلم ادهم وبتحاول تجمع الموضوع من حوارهم مع بعض.

ادهم علي فكره انا قلت اسمع كلامك واجي اغير جو واجرب القعده معاكم يمكن يبقي تغير جو ليه.

اماني ده شرف لينا ياادهم ولا تحب اقولك ياادهم بيه.

سها طيب اتفضلوا اقعدوا بقي انت هتتكلموا علي الواقف كده ولا ايه.

اماني هههههههه والله احنا سرحنا في الكلام واحنا واقفين من غير ما نحس اتفضل يا ادهم.

ادهم فعلا الكلام اخدنا واحنا واقفين.

سها طيب اقعدوا بقي انتوا هتفضلوا واقفين كده برده.

اماني لسها ده ادهم مديري في الشركه الي بشتغل فيها.

وبعد اذنك اقولك ياادهم طبعا.

ادهم طبعا ادام احنا بعيد عن الشغل قولي الي انت عوزاه.

سها اهلا وسهلا ياادهم انت صدقني هتنبسط معانا اوي وجرب مش هتندم وكمان لما تتعرف علي باقي الشله.

اماني تشرب ايه بقي زمانك بتقول علينا بخله.

ادهم لا ابدا انا بجد شكلي هنبسط معاكم.

سها تشرب ايه بقي.

ادهم قهوه مظبوط.

اماني ايه ده انا كمان مابشربش غير القهوه المظبوطه.

سها اهه ياكدابه ده انت حتي مابطقيش ريحه البن.

طيب بقي انا هقوم اطلبلكم قهوتكم واعمل مكالمه واجيلككم علي طول.

اماني تمام.

سها امشي بدل ماهي تمشيني.

اماني انا مبسوطه اوي انك جيت.

ادهم بأبتسامه خفيفه ياه للدرجادي.

اماني انا عارفه انك هتقول عليا جريئه بس انا متعوده اي حاجه بحس بيها لازم اقولها وليه اخبي شعوري جوايا واعيش الوهم او اضيع لحظات حلوه ممكن اعيشها وابقي فرحانه ومبسوطه

ادهم بيبصلها بأستغراب وهو بيحاول يفهمها.

اماني انت طبعا بتقول في نفسك هي مالها دي صح.

ادهم لاء ابدا انا بس بحاول الم الموضوع انا مش فاهم حاجة.

اماني بص انا هكلمك بصراحة انا من اول مره شفتك فيها وانا فيه حاجه غريبه حصلتلي ايه بقي هي مش عارفه الي اعرفه لما بكون قريبه ليك ببقي فرحانه وقلبي مبسوط وانا مش عاوزاك ترد عليا في اي حاجه من الكلام ده غير لما تفكر الاول يمكن انا احساسي من ناحيه واحده بس.

ادهم مش عارف يرد وارتبك ومصدق لقي سها جايبه القهوه وجايه عليهم.

سها القهوه اتأخرت عليكم.

ادهم لا ابدا متأخرتيش ولا حاجه.

سها انا حاسه اني قطعت كلامكم.

اماني ببصه غيظ لا ابدا ماطلبتيش حاجه ليكي ليه.

سها لا مش عاوزه.

ادهم انا كده اتأخرت انا لازم امشي.

اماني هنتقابل تاني ولا انت....

ادهم اه طبعا وانا اول مااروح هكلمك تمام.

اماني سلام.

سها ايه يا حاجه اقعدي فهميني ايه الحكايه والموضوع انت شكلك بترسمي علي تقيل طبعا انت مابتقعيش غير واقفه صح ولا ايه.

اماني طيب ماانت بتفهمي اهه امال ايه الي جابك ده انت مؤرفه.

سها هههههههه هههههههه يبقي انا جيت قطعت كلامكم صح.

اماني حطط رجل علي رجل وقعدت بجنب مديها ضهرها.

سها طيب ماتزعلش امال لو بقيت الشله جت كنت عملتي ايه.

اماني يانهار كانوا طيروا من ايدي بس علي مين انا لما بحط حاجه في دماغي لازم انفذها انت متعرفيش ولا ايه

سها مشكلتي اني عرفاكي والشاب الجنتل ده شكله مالوش في اللف والدوران وابن ناس في نفسه اوي ياخواتي عليه بتقعي عليهم فين يا بنتي.

اماني بس ليه صاحبه واكتر من اخوه ده الي هيقفلي في الموضوع زي العضمه في الزور.

سها ماتقلقيش شكله كان مستنيكي تشاوريله علشان يجيلك مش هتتعبي معاه خالص.

اماني انا مش خايفه منه انا خايفه من ابوه والي حواليه.