Pangako
Unti-unti kong idinilat ang mga mata ko hanggang sa matagpuan ko ang sariling nakahiga sa sarili kong kama. Ang medyo madilim kong kwarto at ang bintana kong bukas ang kumuha ng atensyon ko. Gumagalaw ang kurtina roon gawa ng hampas ng hangin papasok. Naramdaman ko ang lamig. Umupo ako sa aking kama at nahilamos ang mukha.
"Gising kana." Bahagya akong nagulat sa pamilyar na boses ni Exe. Hinanap ko iyon sa sulok ng aking kwarto at natagpuan itong nakahalukipkip habang nakasandal sa pader. Siguro ay siya ang nagbukas ng pinto patungong balkonahe ko.
Napatingin ako sa gilid ng kama ko at nakita roon kung anong oras na. Malapit nang mag-umaga. I-Ibig sabihin ay tapos na ang kaarawan niya.
"Hindi tayo nakapagcelebrate ng birthday mo!" Natataranta kong sabi.
"Okay lang. Huwag ka
