Gilbert (POV)
Inulan ako ng gabing nasawi si Maine dahil sa kagagawan ko. Hindi ko nasabi sa kaniya kung saan ako pupunta. Naisip ko kasi na wala namang namamagitan sa aming dalawa. Hihingi lang sana ako ng advice kay Charee kasi marami siyang kaibigang bading. Baka lang naman may alam siya. Sinabi ko hirap na hirap na akong itago ang nararamdaman ko pero hindi ko naman alam kung paano sasabihin. Pero maling galaw. Maling-mali.
Simula pa kahapon, wala na akong ganang kumain. Hinahatiran ako ni Kuya pero dalawang subo lang at mauupo na ulit ako sa kama. Saksakan ng liwanag kahapon pero walang hapdi sa init ng araw. Gusto ko nang magwala at sirain ang mga gamit ko, pero alam kong hindi no’n maaayos ang katotohanang sirang-sira na ako kay Maine. Ang presko ko pang makukuha ko ang puso niya
