"Kiara, anak... halika na mag- almusal na tayo," sambit ni Rebecca nang matapos siyang ihanda ang kanilang almusal mag- ina.
"Kiara..."
"Tulog ka pa ba?"
Naisipan ng pumasok ni Rebecca sa kuwarto ng kaniyang anak upang tingnan kung tulog pa nga ba ito. Pagkapasok niya, napansin niya ang pamumugto ng mata ni Kiara at pamumula ng mukha nito.
"Kiara?"
Dali- dali niyang nilapitan si Kiara at nagulat nang hawakan niya ito dahil mataas ang lagnat ng kaniyang anak.
"Kiara! Ano ba ang nangyayari sa iyo?!" kinakabahang sabi ni Rebecca bago nagtungo sa kusina.
Binasa niya ang bimpo at saka pinunasan ang mukha ni Kiara pati na mga braso nito. Nilagyan niya ng bimpo ang noo ng kaniyang anak bago hinawakan ito sa kamay. Ilang sandali pa, unti - unting minulat ni Kiara ang kaniyang mga mata. Gumu
