"Ayos ka lang ba anak? Bakit hindi ka pa natutulog? Gabi na ah," tanong ni Rebecca kay Kiara nang makita niya ito sa kusina.
Bumuntong hininga si Kiara bago tumingin sa kaniyang ina. "Naisip ko lang po si Heaven. Napansin kaya niya ang pagiging magkamukha nilang dalawa ni Ford? Baka mamaya bigla na lang niyang kunin sa akin si Ford. Mama, ayoko pong mangyari yun. Mahal na mahal ko po si Ford kaya talagang ginagawa ko ang lahat para mabigyan siya ng magandang buhay. Hindi ko alam kung anong gagawin mo kapag nawala sa akin si Ford..." nangangambang aniya.
Tumabi si Rebecca sa kaniyang anak at saka hinawakan ito sa balikat. "Bakit kasi hindi mo pa sabihin sa kanya na may anak kayo? I'm sure hindi naman niya kukunin kaagad sa iyo si Ford. Maintindihan naman niya siguro kung bakit itinago mo
