Kanina pa nakatingin si Heaven kina Darwin at Kiara na masayang nagtatawanan sa tapat ng store nito na bagong bukas lang sa loob ng mall na iyon. Sa dami ng store na nabuksan nila sa iba't ibang mall, bukod sa physical store at mga franchising, talagang kumita na sila ng malaki. Ibang- iba na talaga ang buhay ni Kiara ngayon. Successful businesswoman na siya.
"Kumain ka na. Kanina pa malamig iyang pagkain mo katitingin sa dalawa. Selos na selos lang?" mapang asar na sabi ni Elton.
Tiningnan siya ng masama ni Heaven. "Oo sobra. Selos na selos na talaga ako na para bang gusto ko ng sapakin ang lalaking iyan. Akala mo naman napakaguwapo. Walang- wala naman siya sa itsura ko."
Malakas na tumawa si Elton. "At kailan ka pa natutong manlait ng kapwa? Parang dati lang sinasabi mo sa akin noon n
