"Sino iyong sumundo sa iyo kahapon? Boyfriend mo ba iyon? Manliligaw? Kalandian o ano?"
Binatukan ni Regina si Damon. "Anong pinagsasabi mo diyan? Hindi ba sinabi ko na nga sa iyo na wala akong boyfriend? Kaibigan ko lang 'yon."
Umarko ang kilay ni Damon. "Talaga ba? Kaibigan eh bakit ang sama ng tingin sa akin na para bang nagseselos?"
Natawa naman si Regina. "Hindi yun nagseselos. Syempre kapag may kaibigan kang lalaki, alam nila kung ang isang lalaki ay babaero o hindi. O kung may masama ba itong balak sa isang babae. Siguro kaya masama ang tingin niya sa iyo dahil akala niya nilalandi mo ako. Pero pinaliwanag ko naman sa kanya na hindi ako nilalandi."
Tumango - tango si Damon. "Mabuti naman kung gano'n. Kung makatingin sa akin akala mo papatayin ako. Pero hindi naman ako natatakot
