Isang buwan ang lumipas matapos ang pangyayaring iyon, hindi pa rin makapaniwala si Regina sa mga nangyari sa buhay niya. Sa dami ng nangyari, akala niya isang panaginip ang lahat. Pinakilala siya ni Ford sa mga magulang nito at buong puso siyang tinanggap nito. Wala ring problema kay Ford ang mga pamangkin niya. Kinupkop na nila ito. Wala pa naman sa isip ni Regina na magbuntis kaya naman iyong mga pamangkin na lang muna niya ang ituturing niyang mga anak. Ang mahalaga, magkasama na sila ni Ford sa iisang bubong. At sa susunod na linggo, ikakasal na sila.
"Sa dami ng nangyari sa buhay ko, akala ko talaga wala na akong happy ending..." naiiyak na wika ni Regina.
Natawa si Ford bago hinaplos ang mukha ng dalaga. "Ako nga akala ko hindi ko na mahahanap pa ang babaeng mamahalin ko at mamaha
