Dumating ang araw ng kasal nina Heaven at Kiara. Enggrandeng kasalan ang naganap sa tabi ng dagat. Imbitado ang mga kaibigan ni Heaven pati na mga tauhan. Hindi pa rin nakalabing si Kiara na isang enggrandeng kasal ang inihandog sa kaniya ni Heaven. Noong una kasi ay napapaisip siya kung paano ang magiging hati nila sa gastusin dahil ayaw naman niyang si Heaven ang gumastos ng lahat sa kasal nila.
"Mabuhay ang bagong kasal!"
"Mabuhay!"
"Sa wakas! Kasal ka rin, Heaven!"
Sigaw ng mga tao doon. Nakangiting nakatingin ang dalawang matalik na kaibigan ni Kiara sa kanilang dalawa ni Heaven. Pagkatapos, biglang umirap na naman si Jenica kaya natatawang tumingin sa kaniya si Darwin.
"Ano na naman ba iyan? Magagalit ka na naman ba sa akin kahit wala akong ginagawang masama sa iyo?" nakatulis a
