"Ano? Kawawa naman pala siya. Sige, walang problema sa akin. Alam mo namang wala akong ibang inaasikaso kun'di ang apo ko lang. Pero kailan mo ba balak na sabihin sa kaniya ang tungkol kay Ford?"
Bumuntong hininga si Kiara. "Kapag po naikasal na kami sa susunod na linggo."
"Kasal?" gulat na sambit ni Rebecca.
"Opo, mama. Gusto na niyang magpakasal kaming dalawa. Balak niya nga na bukas agad pero sabi ko huwag dahil mahina pa siya at kailangan niya munang magpalakas..."
"Okay sige. Para maayos mo na rin ang pamilya niyo. Lumalaki na ang anak ninyo. Mas maigi na maipakilala mo na kaagad sa kaniya ang daddy niya para masanay siyang may daddy..."
"Opo, mama. Aayusin ko lang ang kasal namin at saka ko sasabihin sa kaniya ang lahat..."
Humakot na ng kakaunting gamit si Kiara upang dalhin
