Kinabukasan, hindi pa rin pumasok sa kaniyang klase si Kiara. Wala naman kasi siyang exam at quiz kaya tinamad pa siyang pumasok. Magtatanong na lang siya kay Jenica kung ano ang pinag- aralan nila.
"Kiara... kumain ka na dito. Nagluto ako ng palabok. 'Di ba gusto mo ito?"
Agad na bumangon si Kiara nang marinig iyon. Paborito niya ang palabok. Lalo na kung luto ito ng kaniyang ina. Masarap kasi itong magluto. Tamang- tama ang lasa.
"Wow! Itsura pa lang masarap na! Bakit nagluto po kayo ng ganito? May tira pa po ba kayong pera?" tanong ni Kiara nang magtungo siya sa kusina.
"Mayroon pa naman. Wala lang. Naisip ko lang na magluto nito dahil matagal na rin noong huli ko itong niluto. Kumain ka na diyan ng marami. Puro iyak na naman yata ang ginawa mo. Ang laki na ng eyebags mo. Magpahing
