Walang nagsasalita kina Ford at Regina habang kumakain sila sa isang restaurant. Tila naiilang si Regina sa binata ngunit sa kabilang banda, kinilig siya ng sobra sa ginawang pag- amin ni Ford. Natapos na lang silang kumain nang hindi nag- iimikan. Nagmistulang pipi silang dalawa. Ngunit hindi nakatiis si Ford kaya hinarap niya si Regina bago sila tuluyang sumakay sa sasakyan.
"Bakit hindi ka nagsasalita diyan? Wala ka bang balak sabihin sa akin?" nakaarko ang kilay na wika ni Ford.
Tinaasan din ng kilay ni Regina ang binata. "Oh ano naman sa iyo? Ikaw rin naman hindi ka nagsasalita diyan eh. At saka ano naman ang sasabihin ko sa iyo? Wala naman akong sasabihin sa iyo kaya bakit ako magsasalita?"
Bumuntong hininga si Ford. "Wala kang masabi dahil sa inamin ko sa iyo, tama ba?"
Kumibot
