“LEAVE me alone!” angil ni Tori nang maabal ang pagtulog niya ng sunod-sunod na pagyugyog at pagtawag sa pangalan niya. Tumagilid siya ng paghiga at saka mas lalo pang ibinalot ang katawan sa loob ng kumot.
“Tumayo ka na riyan kung ayaw mong buhatin kita na parang bigas at ibitin sa hagdan nang patiwarik!” awtoritadong sambit naman ni Bernard na nakapagpagising ng diwa niya. Noon niya lang naalala na wala nga pala siya sa kuwarto niya kaya dali-dali siyang bumangon at humarap dito. Napakunot-noo pa siya nang magisnan ang nakakunot-noo at nakapamaywang na si Bernard sa may paanan ng kamang kinahihigaan niya. Halatang kagigising lang din nito.
Iginala niya ang paningin sa kabuuan ng kuwartong kinaroroonan niya. Pamilyar sa kaniya ang kuwartong iyon dahil minsan na silang natulog doon ng mg
