“I DIDN’T ask for your opinion,” sabi kaagad ni Bernard kay Tori. Hindi niya kasi nagustuhan ang sinabi nito kahit pa nga may punto naman ito. Humugot siya ng hininga para kontrolin ang sarili bago nagpatuloy. “Nangako kang tutulungan mo ako, at tutulungan din kita sa kapatid ko. Now, do what you promised… please,” pakiusap niya sa dalaga.
Hindi kumibo ang dalaga. Nanatili lang itong nakatitig sa kaniya na tila ba may iniisip.
Muli siyang humugot nang malalim na hininga saka pinukaw ang pananahimik ni Tori.
“Please…” aniya.
Kagyat na kumurap ang dalaga saka umiwas ng tingin sa kaniya, pagdaka’y tumayo.
“Is she worth it?” pagkaharap at pagtingin ulit nito ay tanong ng dalaga sa kaniya.
Tumango siya at matipid na ngumiti.
“Very much!” walang-gatol na tugon niya.
Magkapanabay ang gin
