NAHIGA si Tori sa buhanginan nang mangalay siya sa pagtingala sa kalangitan. Ipinikit niya ang mga mata at pinakinggan ang bawat paghamlas ng alon sa dalampasigan.
“Hindi ka ba nabo-bore?” mayamaya ay tanong sa kaniya ni Bernard habang nakatingin naman ito sa karagatan.
Bumaling siya rito at saka ito pinangunutan ng noo.
“Are you serious? How will you get bored with this? Peace and quiet!” Itinuro niya ang dagat at ang langit sa bahagi kung nasaan naroon sila at hindi ang bandang lugar kung saan may mangilan-ngilan pang beach goer na naroon sa dalampasigan at ang iba naman at nagsisipaglanguyan.
Kunot-noo siyang binalingan nito saka nagtatakang nagtanong. “How come that a party-girl like you is fond of being in this quiet and secluded place like this?”
Tinaasan niya ito ng kilay saka
