UNICA HEREDERA (Tagalog / Filipino)

CHAPTER SIX

  “NASAAN ka ba?” bagama’t inis ay mahinang tanong ni Bernard kay Harold nang sa wakas ay sagutin nito ang tawag niya.

Mabilis niyang iginala ang mga mata sa paligid upang makasigurado siya na walang makakarinig sa kaniya na na-contact na niya ang nakababatang kapatid. Alam niyang kapag nalaman ni Tori na magkausap sila ni Harold ay paniguradong kukuhanin nito ang telepono sa kaniya at kung ano-ano ang sasabihin sa kapatid niya para lang ito makumbinsi sa kung ano mang balak nito. At iyon ang bagay na pinakaiiwasan niyang mangyari. Ang i-brainwash ng loka-lokang babae na ‘yon ang kapatid niya!

“I'll tell you some other time, kuya. I just wanna assure you that Jane and I are safe so you wouldn't worry,” sambit naman nito na halata ang hindi mapapantayang saya sa boses nito.

Nagpakawala siya ng hininga. Mukhang wala pa itong alam sa gulong nangyari kagabi dahil sa ginawa nitong pag-alis sa party ni Tori. Kilala niya si Harold. Kung alam nitong nadamay siya sa kalokohan ng kaibigan nito, paniguradong pumunta na ito sa hacienda para protektahan siya. That is one of the good characteristics they have in common, ang hindi matatawarang pagmamahal sa pamilya.

“Bakit ba kasi kailangan pa kayong magtanan, ha? Puwede mo naman ipakilala nang maayos kina mommy si Jane at magsabi na gusto n’yo nang magpakasal,” nagugulumihanang tanong niya rito. Ilang beses na rin kasing naikuwento sa kaniya ng kapatid ang tungkol kay Jane, kaya nga nagtataka siya kung bakit kinailangan pa talaga nitong itanan ang dalaga gayong kung gugustuhin nito, bagama't bata at kapwa pa nag-aaral, ay nasa hustong gulang na naman ang mga ito at puwede nang mag-asawa—with consent.

“Kuya, I did what I know is right… to ensure that dad will not push me to marry Tori,” diretsang pahayag ni Harold.

He scoffed then shook his head. “Para namang gagawin iyan ng daddy mo sa iyo?” kunot-noong sambit niya rito. Mabait ang Tito Harry niya, ang step-father niya na ama ni Harold. Kahit pa nga hindi siya lumaki sa poder ng ina kasama ng mga ito, walang ipinakitang masamang ugali sa kaniya ang Tito Harry niya. Itinuring siya nitong parang tunay na anak rin sa tuwing makakasama niya ang mga ito sa mga special occasions.

Nagpakawala nang malalim na hininga ang kapatid niya bago muling nagsalita.

“That was his plan, kuya. Narinig ko sila ni Tito Vic, ‘yong daddy ni Tori,” lahad nito na ikinakunot ng noo niya. “Hanggang ngayon, hindi niya alam ang ginawa ko, kuya. Na pinangunahan ko siya at sumuway sa plano niya. But sooner or later, he'll do it kaya nagdesisyon ako na—”

“Damn it, Harold! Nagkagulo na kagabi! Alam na rin ng daddy mo ang ginawa mo,” inis na siwalat niya sa kapatid. Naiintindihan niya naman ito, pero mali ang paraang ginawa nito para umiwas sa akala nitong kasunduan ng dalawang matatanda.

“Ha? Nagbibiro ka ba? A-Anong sinasabi mo riyan—” gulat na tanong nito.

“I'm not kidding, Harold.” Pilit niyang pinakalma ang sarili bago nagpatuloy. “Now, they are asking me to marry this woman who I don't even know and not even my type!” mariing singhal niya saka muling nagpakawala nang malalim na hininga.

“N-No, kuya! Imposibleng… how about Tori? She will never let it happen. She will definitely throw fits and—”

“Do you even think that your friend's b*tchiness will work this time?” asar na sambit niya bago niya isinuklay ang mga daliri ng isang kamay saka muling nagbuga ng hangin sa dibdib. Gustuhin man niyang manatiling kalmado, sa tuwing naiisip si Tori, nanginginig ang laman niya sa inis at galit. Hindi niya matanggap na balak talaga nitong paikutin silang magkapatid sa palad nito tulad siguro ng nakasanayan na nitong gawin sa mga taong nakapaligid rito.

“W-What do you mean, kuya? A-Anong nangayri? Bakit kailangan mong pakasalan si Tori?” nagugulumihanang tanong nito.

Humugot siya ng hangin saka diretsang tumugon. “Your friend is a crazy b*tch! She went inside your room, climb in the bed and—”

“No way!” putol nito sa sinasabi niya saka napasinghap ito. “Don’t tell me that you—”

“Don’t be ridiculous, Harold. I was knocked out, okay? Ni hindi ko nga namalayan na may katabi na pala ako sa kama, eh,” mabilis na pahayag niya. “Besides, kahit nasa matinong pag-iisip ako, hindi ko papatulan ang kaibigan mo na ‘yon dahil bukod sa hindi siya ang tipo kong babae, napakaanghang ng bibig at ubod ng sama ng ugali!”

“Ha? P-Pero papaanong wala talagang nangyari sa inyo kahit magkatabi kayo sa kama? Sigurado kang wala talagang nangyari? I mean—” Bakas sa boses nito ang concern para sa kaniya at kay Tori.

“Hoy, Harold. Quit it! Ako ang dehado rito! Pinipilit nila akong pakasalan ang babaeng iyon dahil iginigiit niyang may nangyari sa amin kahit wala naman! At alam mo ba kung bakit, ha?” deklara niya bago siya muling nagpakawala ng hininga. “Dahil sa iyo! Dahil gusto niyang bumalik dito. Gusto niyang iwan mo iyang nobya mo at akuin ang responsibilidad na iniaatang nila sa akin dahil baliw na baliw sa iyo ang babaemg iyon!”

“A-Ano?”

“Anak ng—hindi mo ba alam na may gusto sa iyo ‘yong loka-lokang babae na ‘yon, ha? Sa ugali no'n, sigurado akong tila sawa ‘yon kung lumingkis sa iyo kaya imposbleng—”

“I-I know, kuya… pero nag-usap na kami. Sinabi kong si Jane ang mahal ko,” anito bago niya narinig ang paghugot nito ng hininga. “I'm calling dad. He'll help you get out of this mess, I promise—”

“Tingin mo ba may magagawa ang daddy mo kung sakaling pumunta sila rito, ha? Sa saglit na oras ko lang nakilala ‘tong baliw mong kaibigan kaya sigurado akong gagawin nito ang lahat para lang lumitaw ka,” putol niya sa sinasabi nito.

“Then, what do you want me to do? I can't go there now, kuya… ayokong iwan si Jane—”

“Sinabi ko bang pumunta ka rito, ha? Sinabi ko bang iwan mo ang nobya mo, ha?” Ipinikit niya nang mariin ang mata niya at saka bahagyang minasahe ang sentido. “I'll do it. I'll give that spoiled brat the taste of her own medicine!” pasya niya.

“W-What? A-Anong sinasabi m, kuya? You don't have to do that, kuya! Paano na si Allie? ‘Di ba kaya ka umuwi, para balikan siya?” concern na sambit nito. “Okay, I'll talk to Tori, kuya. I'll try to convince her to—”

“I'll marry her, Harold. That's what they want, that's what they’ll get,” matigas na wika niya habang nakatiim-bagang.

Kung baliw si Tori, mas siraulo siya. Tingnan lang niya kung hindi ito magwala kapag nalaman nito na pumayag siya sa gusto ng magulang nito imbis na kumbinsihin si Harold na pumunta sa hacienda at akuin ang responsibilidad na iniaatang ng magulang ng babae sa kaniya.

He scoffed. He’ll make sure that Tori will learn her lesson once she finds out that her plan didn't work out and will just bounce back on her! Hard. Real hard!