“YOU DON’T look good, Gabrielle,” sabi ni Sabrina sa kanya.
“Thanks,” matamlay na tugon niya.
Halos sabay na natawa sina Alexandra at Francesca sa sagot niya. Nasa bahay na naman sila ni Sabrina. May duty ang asawa nito sa ospital.
“Don’t play with your food,” saway ni Sabrina sa kanya.
She rolled her eyes. “Yes, Mom,” puno ng sarkasmo ang tinig na sabi niya. Wala sana siyang planong magtungo roon ngunit naisip niyang mag-iisip lang siya nang mag-iisip sa unit niya. Ang totoo, ayaw niya ng kausap ngunit ayaw rin naman niyang mag-isa.
Hinawakan ni Alexandra ang kamay niya at banayad iyong pinisil. “Naiintindihan namin kung bakit ka nagkakaganyan dahil kay Agila. Kami ang higit na nakakaalam sa nangyari. Nandito lang kami at alam mo `yan. You can talk to us if you feel like talking. Ka
