"Bakit ba?" ani Lucas at nakatingin ng nakakaloko sa akin. Asar ko naman siyang tinignan at bahagya pang lumayo sa kaniya.
"Ano ba kasing ginagawa mo?" tanong ko at inayos ang sarili. Tumawa naman siya ng bahagya at ipinagpatuloy ang paghuhugas ng plato.
"Gusto lang naman kita tulungan maghugas ng pinggan e." inosente aniya pero yung ngiti niya ay halata mong nang-aasar.
"Tulungan? ganoon kalapit? Tigilan mo nga ako Lucas. Doon ka na nga, ako na diyan." sabi ko at binawi yung plato sa kaniya. Dahil nga sa maliit lang naman ang lababo namin, nang higitin ko ang plato ay imbes na mabawi ko ito'y lalo lang ako napalapit kay Lucas.
Yung totoo? Pakiramdam ko ay sasabog ang puso ko.
"Ayaw mo n'on? Close tayo." aniya at inilapit pa ang mukha niya sa akin. Agad kong binawi ang sarili ko at
