"GOODMORNING!" gulat akong napadilat at tumingin sa paligid ko. Dahil nga sa kagigising ko lang ay sobrang labo pa ng paningin ko.
"Yuck may tuyong laway pa!" tatawa-tawa ani Jake kaya agad kong hinila ang kumot ko at tinakluban ang sarili ko. Nagulat ako nang may kung sino ang umupo sa tabi ko at inakbayan ako.
"Inaasar niyo na naman ang girlfriend ko." sarkastikong ani Kyle kaya agad ko siyang tinulak at binawi ang sarili ko.
Unti-unti nang bumalik ang paningin ko kaya nakita ko na ang mga bagong gising na itsura nila.
"Ano bang ginagawa ninyo dito sa kuwarto ko? Magsilabas nga kayo!" inis na sabi ko pero hindi sila natinag nito.
"Day-off namin ngayon kaya lalabas tayo." ani kuya Sam na siyang kinakunot ng noo ko.
"Tinatamad ako." sabi ko at humiga ulit sa kama at binalot ang
