Ilang minuto pa ang lumipas matapos kong maibaba ang tawag ni Marco ay nakita ko na siyang naglalakad pabalik sa pwesto nila ni Sarah.
“May emergency ba sa opisina n'yo?” tanong sa kanya ni Sarah. Napailing lang si Marco. Sa pagkakaalam ko ay naka-leave ngayon si Marco sa trabaho niya dahil nagpa-extend pa kami ng bakasyon dito sa Bolinao. Inoobserbahan ko ang body language ni Marco ngayon habang magkausap silang dalawa ni Sarah. He looked tense.
Pagkaraan noon ay itinuon ko na lang muli sa aking pagkain ang isip ko. Patuloy pa rin sa ginagawa nilang pag-uusap sina Marco at Sarah.
“Bes, tatlong falls daw ang pupuntahan natin mamaya. Alas nuwebe raw ang alis natin papuntang Bolinao Falls 1, 2 at 3. Paakyat daw ng bundok ang daan papunta roon. May mga kalsada rin na hindi pa sementado kay
