"Mukhang hindi na ako kailangan dito," malamig na sabi ni Nick saka siya agad na tumalikod para umalis na lamang.
"Nick!" tawag ko sa kanya pero hindi na siya nakinig. Napatingin sina Manang at Jom sa akin na para bang sinasabi nilang sundan ko si Nick at 'yun nga ang ginawa ko. Agad akong lumabas ng dining area at nakita ko na lang ang strawberry'ng binili ni Nick para sa akin na ipinatong niya sa center table na nasa sala. Dinampot ko iyon saka ako tumuloy sa kwarto namin. Dahan-dahan kong binuksan ang pinto ng kwarto at nakita ko si Nick na nakahiga patihaya sa ibabaw ng kama at bahagyang nakataas ang dalawa niyang kamay na may hawak na isang bagay. Ang ultrasound ng aming anak!
"Nick," mahina kong tawag sa kanya at natarantang napabalikwas siya ng bangon saka umupo sa gilid ng kama a
