Nang matanaw niya ang Villa ay pinatay na niya ang makina. Matapos niyang hubarin ang suot na helmet ay umibis siya sa motorbike. Maingat at tahimik niyang nilakad ang matalahib na bahagi sa likurang bahagi ng bakuran saka maingat na inakyat ang mataas na pader na nagsisilbing harang. Tagumpay naman siyang nakapasok sa loob at deretsong tumakbo palapit sa kabahayan na wala kahit na sino ang nakakapansin. Tinalon niya ang ikalawang palapag nang makita niya ang mga nagra-rounds na security guards ng lugar. Tama nga si Haruma, mukhang hindi naman ganoon kahirap talunin ang mga bantay sa paligid ng lugar na iyon kaya hindi niya lubos maisip kung paano nagawa ng taong ito na tapusin nang ganoon kadali ang mga magulang niya, lalo na ang kaniyang ama na sa pagkakaalam niya ay eksperto rin sa pag
