Bagay
Strange feelings. Iyon na ang madalas kong maramdaman nitong mga nagdaan na araw. Hindi ko matukoy-tukoy kung saan iyon nanggaling, kung bakit ganoon nalang iyon kumalat sa aking sistema at halos hindi ko na mapangalanan kung anong tawag sa ganoon.
Naalala ko pa iyong sinabi ni Franca sa akin nang sinabi ko sa kanyang sinabi ko kay South na nagseselos ako.
"Iyong selos, kahit wala namang ginagawang masama sa iyo iyong tao, kahit makita mo lang ang mukha niya, maiirita kana agad. Maiinis kana sa kanya na kahit ang boses niya ay ayaw mong marinig. Ganoon ang nagagawa ng selos."
"Pero di na ako nagseselos eh kaya hindi na ako galit kay Arih." sagot ko lang sa kanya. Hindi ko rin kasi talaga ugaling magalit o mainis sa isang tao dahil natatakot akong sila ang magalit sa akin pabalik.
