"REALLY?! AW! CONRATULATIONS!" Masayang bulalas ng pagbati sa amin ni Ate Krizel nang ianunsyo sa mga ito ni Kael ang pagpayag ko nang magpakasal dito.
Pagkagaling namin sa kasal ng kaibigan niya ay dumetso kami sa mansyon ng mga Da Silva upang sunduin lang sana si Nickos na inilagak muna namin sa pangangalaga ng nakatatanda niyang kapatid na babae.
Nauna nang sinabi nito kay Kuya Rafael ang naturang balita. Kaya't isinuhestiyon nito na manatili na muna kami sa mansyon hanggang hapunan, upang ipaalam iyon sa kanilang mga magulang, pati na rin nga sa isa pa nilang kapatid. Na kaagad namang pinaulankan ni Kael.
Bakas din ang ngiti sa mga labi ng mga magulang ni Kael sa inanunsyo nito.
"Bueno, kailan tayo mamamanhikan sa mga magulang ni Beatrice?" Pormal na tanong ng Senyor sa aming dalaw
