MATAPOS KONG MALAMAN ang tungkol sa plano ni Kael na kasal namin sa simbahan, ay hinayaan na ako nito na maging kabahagi ng mga plano ukol sa mga detalye ng okasyon.
Ayon dito, para naman daw talaga sa akin ang kasal na iyon, kaya't marapat lang na masunod kung ano ang kagustuhan ko, ultimo sa kaliit-liitang detalye niyon.
At para daw matigil na ang kaseselos ko kay Toni, sinabihan nito ang babae na sa akin na tatawag at magre-report 'ukol sa progreso ng trabaho nito.
Madalas kasi, kapag magkasama kami at tumatawag sa cellphone nito ang babae, pulos irap ang tinatanggap nito sa akin.
Nakakanis naman kasi talaga. Walang oras ang tawag nito. Minsan, umagang-umaga, o kaya naman ay sa gabi, na papatulog na kami. Ni hindi ito marunong kumilala ng salitang, family day. Ultimo linggo ay hindi
