"GUSTO KONG HUMINGI NG TAWAD sa lahat ng mga ginawa ko..." nakayukong panimula ni Kira, matapos huminga ng pagkalalim-lalim.
Naka-angat ang isang kilay na pailalim ko itong tiningnan. Pinanatili kong blangko ang aking mga mata at magkalapat ang aking mga labi.
Naghihintay ng susunod nitong sasabihin.
Nasa anyo naman ng babae ang pagsisisi. Pero sa dami ng mga ginawa nito para sirain kaming dalawa ni Kael, parang napakahirap para sa akin na basta na lamang itong paniwalaan.
Isa pa muling buntong-hininga ang pinakawalan nito nang maisip siguro na hindi magiging madali para dito ang makuha ang kapatawaran.
"I don't remember a time in my life, that I am not liking Franz. Mula pa lang pagkabata, gusto ko na siya." Huminga itong muli ng malalim at saka mapait na ngumiti. "Para siyang grand
