“Oh, nandito ka ulit?” Si Andrea ang nagbukas ng pinto ng opisina.
Matapos marinig ang mga sinabi ni Luna at Yulo ay dali-dali akong nagpunta sa student council. May mga tanong ako na ang presidente lang nila ang makakasagot.
“Ano ang kailangan mo?” Nakangiti siya sa akin at habang nagtatanong ay binubuksan na rin ng malaki ang pinto kahit na hindi ko pa naman sinasagot ang tanong niya. Parang ganito rin ang senaryo kanina, iba lang ang sumalubong sa akin, pero iisa lang din ang pakay ko.
“Si Lorcan… I mean si Mr. President. Nandiyan pa ba siya sa loob?” tanong ko.
Mas lalong lumaki ang ngiti sa kaniyang labi. Bakit parang ang saya niya? At bakit ang dali lang para sa kaniya na ibigay ang kaniyang ngiti sa ibang tao.
“Oo. Nasa loob pa si Grey. Papunta n
