“Hi, boss! Welcome back!”
Kalahati pa lang ng katawan ko ang nakakapasok sa pinto ay biglang nagsalita ang hudas na may pulang buhok.
“Oh my gosh! You startled me!” Muntik ko na siyang mahampas noong bag na hawak ko. Nasa panig lang niya ang swerte kaya nagawa niyang makaiwas kaagad. Kung hindi ay magkakaroon ng bukol ang ulo niya at pasa sa kaniyang mata.
Si Sakuragi ang agad na bumungad sa akin nang makapasok ako sa classroom namin. Kakatapos lang ng duty ko sa canteen. Tapos na rin akong mananghalian at nagpasyang dito na dumiretso.
“Wow! Spokening dollar si boss. Ang sosyal!” saad naman nitong si Bruno.
Asahan mo kapag nandiyan si Sakuragi ay nandito rin ang damuho, isama mo na ang kambal niya na magsasabi na rin ng kaniyang komento. Naglakad na ako
