"Sa Bronze naman ay si... Alice? May babae ba sa Bronze?" Malakas ang boses ni Mr. Sarte at bahagyang natahimik naman ang lahat ng mga nandito sa loob.
Pakiramdam ko ay lalabas na ang puso ko sa mga oras na ito. Bakit ako? Sa dami ng mga mabubunot, bakit ang pangalan ko? Gusto kong sisihin si Ymar dahil isinama ang pangalan ko. Pwede namang si Sakuragi, o kaya si Bruno. Sigurado akong mas willing sila na maging representative ng section namin.
“Alice Lopez for Bronze section.” Ulit ng professor na nasa gitna.
“Boss, tawag ka.” Nilingon ako ni Sakuragi.
“Bakit naman ikaw pa, boss?” Napapakamot naman si Bruno na siyang katabi ko.
Tiningnan ako ng mga kaklase ko na mukhang mga pinagsakluban ng langit at lupa. Panay ang buntong-hininga nila. Bakit parang mas
