Susunod na rin sana ako sa pag-alis nila nang magsalita ang lalaking katabi ko.
“Maliban sa ‘yo, babae.” Nilingon ko siya at nakitang wala siyang ibang tinitingnan kung hindi ako. Ako ba ang tinutukoy niya?
“Ako ba?” tanong ko pa para siguraduhing hindi ako nagkakamali. Baka sabihin niya pa na assuming ako, hindi ba?
Sa halip na sumagot ay tinalikuran ako nito. Naglakad ito pabalik sa table niya. Aba’t bastos! Alam naman niya na kinakausap ko siya.
“Hoy, ako ba ang tinutukoy mo?” Sinundan ko siya at hinawakan sa braso.
“May iba pa ba na nandito bukod sa ‘yo?” Walang kahit na anong emosyon ang mababakas sa kaniyang mukha.
Napasimangot ako. “Malay ko ba na ako pala ang tinutukoy mo? Ang dami naming babae kanina.”
Luminga ako sa paligid at ta
