“Oh, boss, ang nguso baka naman sumayad sa lupa sa sobrang pagsimangot.” Ang high definition na mukha ni Bruno ang unang sumalubong sa akin.
“Baka naman masabitan ng medal ‘yan, boss.” Singit ng kambal niyang si Isko.
Napapakunot ang noong nagpalipat-lipat ang tingin ko sa kanilang dalawa. Isama na rin si Sakuragi at si Waldo na nasa likod lang ng mga ito. Bakit nandito ang mga kulugong tinubuan ng katawan? Ang linaw ng mga sinabi ko sa kanila kahapon.
“Ano ang ginagawa ninyo rito? Bakit kayo nandito? Sino ang nagsabi sa inyong pwede na kayong pumasok?” Sunod-sunod ang naging tanong ko habang dire-diretso rin ang paglalakad ko hanggang sa dulo.
“Pakilagay naman ito sa pinaglalagyan ninyo, Walter. Ingatan na lang dahil may sabaw ‘yan, baka matapon.” Baling ko kay
