Pagkatapos linisin ni Vincent ang mukha ni Rayleen agad niya itong binuhat papunta sa kama. Para naman tinakasan ng dugo ang binata nang makita niya si Rayleen na namumutla. “Vincent gusto ko ng tubig please.” Nakangiwi pa si Rayleen habang nagsasalita, panay rin ang punas niya sa kanyang bibig. Agad naman kumuha si Vincent sa mini fridge ng bottled water.
“Magbihis ka pupunta tayo nang hospital ngayon.” Ani Vincent, hindi alam ng binata kung anong gagawin. “Vincent, okay lang ako, baka nalipasan lang ng gutom kaya ako nagsusuka. Isa pa normal lang ‘yon kapag nakakain ka ng panis.” Inisip ng dalaga baka don sa kinain niyang ulam kanina na lasang panis.
“Rayleen, kailangan natin malaman kung anong nangyari sa’yo? Napapansin ko nitong mga nagdaang araw parang may sakit ka? May hindi k
