CHAPTER 77
“Ang akala ko ay kung ano na ang nangyari sa’yo at naka-lock ang pinto ng k’warto mo!” singhal sa akin ni Yulo. “Tch.” Nag-iwas ako nang tingin sa kaniya dahil muntik ko na talagamg maibalibag sa kaniya ang kutsilyo kanina kung hindi lang siya nagsalita. Tiningnan ko ang nurse na chine-check na ako para makalabas na ako ngayon. “May balak ka pang patayin ako,” sabi niya habang nakatingin sa akin. “P’wede ba Yulo, itigil mo muna ’yang bunganga mo. Naririndi na ako,” sabi ko, naglakad siya palapit sa akin kaya naman hinawakan ko ang nurse na nasa harap ko at hinarang sa harap ko. “Kung may balak po kayong magsigawan ay hayaan niyo muna akong makaalis, ang sakit sa tainga ng mga boses niyo,” sabi nitong nurse na nasa harap namin kaya naman tiningnan ko nang masama si Yulo. “Makakalabas
- Writer
