EVE’s POV
“Nasisiraan ka na ba ng ulo!?” tanong sa akin ng kapatid kong nanggagalaiti sa galit simula nang makita niya ako kanina.
Nagbuntong-hininga ako bago hilutin ang aking sintido dahil pakiramdam ko ay sumasakit ang aking ulo.
“Tapos ’yong buhok mo—” Hinawakan niya ang aking ulo bago padabog na umupo sa katapat kong upuan.
Buhok ko talaga ang unang niyang pinuna, sabagay gustong-gusto niya talaga ang mahaba kong buhok kaya naman hindi na ako nagulat nang ito ang una niyang mapansin sa akin.
“Ano na lang ang sasabihin nila Kuya Van kapag nakita ka nilang ganiyan?” tanong niya kaya naman nagkibit balikat ako bago sumagot.
“Hindi ko alam,” ani ko at nakita ko kung paanong tumaas ang kaniyang kilay na para bang hindi makapaniwala sa isinagot ko sa kaniya.
Kinuha niya ang cup na n
