6

4878 Words

انا أسمى جني عندى 25 سنة عندى اخت صغيرة لسة في اعدادي والدي متوفي وامي ست بسيطة جدا واحنا ناس من الحالة المتوسطة عايشين في منطقة عشوائية انا شغالة سكرتيرة في شركة كبيرة في يوم وانا رايحة الشغل قبلت محمد محمد محامي محمد شغال معايا في نفس الشركة قبلت محمد وانا واقفة مستنية الأتوبيس لقيتوا وقف بالعربية تعالي اوصلك احنا في نفس الشركة لا شگرا الأتوبيس زمانه جاي انتي كدة هتتاخرى علي الشغل فعلا اليوم دة كان الأتوبيس اتاخر اوى ركبت مع محمد وروحنا الشغل واحنا داخلين في الشركة قبلت مديرى صباح الخير صباح الخير يا استاذ سامي كان أول أسبوع ليا في الشركة كان لطيف جدا والمدير بتاعي عصبي جداعلي أي حاجة يزعق ويغضب من ساعة ما اشتغلت في الشركة ماشوفتوش ضحك ابدا ولا ابتسم حتي كل ما ادخل علشان ادي ملف كنت بخاف اوي ليزعق مع اني اديلو ملف في يوم كان جاي حتي مش قال صباح الخير قولت يا ساتر حتي مفيش صباح الخير لقيتوا وقف قولت ادا هو سمعني روحت عملت نفسي أن بظبط المكتب راح ماشي دخل المكتب لقيت زميلتي بتقولي المدير عايزك يااااا عايز الملف وانا لسة ماخلصتوش اعمل اية دلوقتي اعمل اية لقيت محمد جاي بيقولي في ايه مالك متوترة كدة لية اصل المدير عايز الملف وانا لسة ماخلصتوش ومش عارفة اعمل ايه أنا عندى الحل ايه هو هو قالك عايزك ليه لا طبعا بس هيكون ليه علشان الملف طبعا طب ادخلي عنده عقبال انتي ما تشوفي عايز ايه هكون انا خلصت الملف بجد يا محمد اه ثقي فيا ماشي دخلت عند المدير نعم يا استاذ فين الملف الملف لقيتوا بصلي ثواني يا استاذ هروح اجيبه استني نعم هو انتي اللي اكلمتي وانا داخل انا لا يا استاذ مش انا هتكلم ليه يعني طب اتفضلي روحي هاتي الملف حاضر يا استاذ طلعت برة المكتب ها يا محمد الملف جاهز بجد شكرا اوي اوي خد الملف ودخلت المكتب اتفضل يا استاذ فتح الملف ادا يا آنسة في غلط في الحسابات ازاي ازاي يعني بكدب عليكى اتفضلي شوفي لقيت فعلا في غلط خلاص انا اسفة يا استاذ هصلح الغلط حالا يعني ايه هتصلحي لقيتوا قام وض*ب بايده علي المكتب انا اتخديت مش من المفروض تغلطي يا استاذة أنا اسفة هيفيد بي ايه الاسف لو انا مارجعتيش الملف ثواني والملف هيكون عند حضرتك اتفضلي يا استاذة قدامك خمس دقائق والملف يكون علي مكتبي حاضر يا استاذ بعد اذنك ماردش عليا روحت خارجة وانا مضايقة اوى ومتنرفزة اوى لقيت محمد قابلني ها سلمتي الملف طبعا شكرك طبعا ما انا اللي عملوا اه طبعا اومال مالك متنرفزة ليه علشان الملف طلع كله غلط وهو بهدل فيا بجد اه بجد طب انا اسف هديت شوية وقولتلو انا اللي اسفة اتنرفزت عليك وانت قصدك انك تساعدني بس المدير العصبي دة هو اللي نرفزني ماتزعليش يا محمد سبني بقي أصلح اللي انت عملتوا في الملف ده خلاص ماشي طب عايزة أي مساعدة لااااا شكرا كفاية كدة هههههه صلحت الملف ودخلت المكتب اتفضل يا استاذ الملف جاهز سبي علي المكتب واتفضلي كملي شغلك حاضر وانا خارجة طلعت ل**ني اممم بتقولي حاجة يا آنسة لا يا استاذ طب اتفضلي خرجت وروحت علي مكتبي وانا مضايقة اوى لقيت زميلتي جايه بتقولي في ايه مالك هيكون في ايه يعني غير العصبي اللي جوه شايف نفسه على ايه مش عارفة حلو شوية وايه يعني بس عصبي عنده عضلات ايه يعني بس رخم اوي وكل شوية زعيق زعيق زعيق ايه دا هو في كدة لقينا المدير طالع من مكتبه يلا علشان هو طالع يلا امشي قعدت علي مكتبي وهو جاي وانا عيني عليه هو جاي عندى لا مش جاي لا جاي لقيتوا مشي من جنبي خد نفسي الحمد لله مشي لقيتوا وقف ورجع قالي في اجتماع النهاردة لازم تبقي موجودة علشان تجيبي الملف حاضر يا استاذ ماشي روحت وخدة نفسي اوووووووف يا ساتر جاه ميعاد الاجتماع وهو وصل ها الملفات جاهزة اه يا استاذ ماشي اوعي تكون في أي غلط ماتقلقيش يا استاذ وهو في الاجتماع الأنسة شيماء اللي بتشرح العرض ماجتيش ازاي والاجتماع والناس اللي جوه دول قالهم ايه اتصرفي اعملي أي حاجة خلاص انا عندي فكرة عن المشروع أن ممكن اشرح العرض اه انتي عايزة تخسارني الصفقة لا يا استاذ انا فعلا درست المشروع وعندي فكرة كبيرة عنه خلاص ماشي انا هشوف الاجتماع ابتدأ وانا شرحت المشروع والكل عجبهم فكرتي وقالو احنا موافقين علي المشروع وخلص الاجتماع لقيتوا بيقولي انا ماكنتش متوقع انك شاطرة كدة فرحت وقلت اخيراهيقول كلمة حلوة لقيتوا بيزعق الانسة اللي غابت النهاردة من غير ما تقولي مخصوم منها اسبوع ولما تيجي بكرة خاليها تيجيلي حاضر يا استاذ جاه ميعاد الغداء محمد جالي ايه مش هتروحي تتغدي لا ماما عملالي اكل وانا جايبه معايا خلاص ماشي لقيت الأستاذ طالع من مكتبه وانا عيني عليه حتي مجاش وقالي انتي مش طلعتي تتغدى ليه ولما مشي انا قومت عيبت علي مشيتوا لقيتوا راجع جريت علي مكتبي بسرعة اوى لقيتوا رايح ناحية مكتبه وهو ماشي في حاجة يا آنسة لا يا استاذ مفيش وانا مسكة نفسي من الضحك اول ما مشي من جنبي قعد اضحك جامد هههههههه لقيتوا بصلي روحت انا كتمت صوتي وهو دخل المكتب وانا بأكل لقيتوا هو قاعد وسرحان قولت اروح اديلو من الأكل بتاعي ادخل ولا لا هدخل واللي يحصل يحصل دخلت نعم في حاجة يا آنسة لا يا استاذ بس لقيتك مش تتغدي قولت تتغدي من الأكل بتاعي اسكت بقي ماما عليها شوية سندوتشات هتاكل صوابعك وراءها دوق كدة روحت مسكة السندوتش كل كل روحت ماكلة في بوقوا وهو مصدوم بس اول ما اكل من السندوتش عجبوا اوى قالي بس بس لقيتوا بيزعق روحت حطة ايدى علي بوقو ابوس ايدك ما تزعقش ارجوك انا خارجة بس اوعي تزعق وانا خارجة بق ولسه هكمل الكلمة لقيتوا قام من علي الكرسي روحت خارجة بسرعة لقيتوا هز دماغىه أن هو مستغرب يعني عملت فنجان قهوة لقيتوا جاي وبيقولي ممكن تعمللي فنجان قهوة حاضر يا استاذ عملتلوا فنجان قهوة وروحت علشان اديلوا القهوة لقيتوا بيقولي علي فكرة الأكل كان حلو اوي عجبك اه ممكن تقولي لي مامتك تعمل حسابي في الأكل علي طول حاضر يا استاذ من عينيا اليوم خلص لقيت محمد وهو مروح تعالي اوصلك لا شكرا انا مستنية الأتوبيس يا بنتي تعالي لا يا محمد شكرا وفضلت وقفة مستنية الأتوبيس لقيت في عربية وقفة قصادي وانا مش راضية ابص عليها مشيت شوية لقيت العربية ماشية ورايا اتلفت ولسة هزق اللي سايق العربية لقيت الأستاذ تعالي اوصلك الاستاذ لا شكرا الأتوبيس زمانه جاي بقولك اركبي بزعيق كدة حاضر وركبت معا العربية ها ساكنة فين ساكنة في شبرا انا مش عايزة اتعب حضرتك انا كنت مستنية الأتوبيس خلاص بقي قولت هوصلك كرمشت وشي وعاملة اابرتم بالكلام عليه انتي بتقولي ايه مش بقول حاجة بس ساعات بكلم في نفسي كدة واختي الصغيرة ديما ترخم عليا علي طول وماما بقي لما تلاقينا بنتخانق كدة تفضل تقول بس يا جنى بس يا جنى وانا أجرى وراءها مش هسيبك لقيتوا فرمل العربية وقالي بس مش عايز اسمع صوتك تاني فاهمة حطيت ايدى علي بوقي لقيتوا بيسالني هي الانسة شيماء جاية بكرة انا ما ردتش لقيتوا وقف العربية فجأة وقالي انتي مش تردى عليا ليه بغضب كدة وانا عاملة اقول اممممممم امممممم بصلي شيلي ايدك مش حضرتك قولت مش عايز تسمع صوتي لقيتوا مشي بالعربية بسرعة كبيرة جدا وبيروح يمين وشمال روحت وقعة علي كتفه شعرى طار علي وشه لقيت العربية بتض*ب الكلا** روحت انا اتعدلت لقيت وقف بالعربية تاني فبقول هو حضرتك في مشكلة في العربية ولا حاجة رد عليا هو انتي مش ناوية تروحي ولا ايه بصت حواليا لقيت نفسي في المنطقة بتاعتي روحت قولتله شكرا اوى ممكن تتفضل عندنا ماما هتفرح اوى لما تلاقي حضرتك عندنا وهتزعل اوى لو انت بس بس انتي ايه مش بتسكتي شوية شكرا يا سيدتي مرة تانية ابقي اطلع واشوف ماما وياريت تشكريها علي الأكل ماشي يا استاذ شكرا علي التوصيلة العفو تيجي بكرة بدرى مش زى كل يوم حاضر روحت البيت ودخلت عند ماما لقيتها بتعمل الأكل قولتلها عارفة ياماما المدير العصبي اكل النهاردة من الأكل بتاعك وعجبه اوى وقالي خلي ماما تعمل حسابي في الأكل علي طول بس كدة كل يوم هعمله اكل من اللي انتي بتخدي ماشي يا احسن ام حبيبتي ياماما حبيبتي اومال فين الش*ية الصغيرة في الدرس لغاية دلوقتى اه اتصلي بيها كده اتصلت بيها انتي فين يا هانم انا لسة مخلصة الدرس وهتمشي مع اصحابي شوية طب متتاخريش حاضر اختي ماشية هي واصحابها لقوا عربية عاملة ترخم عليهم وكل ما يبعدوا العربية تقرب ناحيتهم العربية دى فيها اربع شباب وهما تالت بنات في الثانوية وفجأة العربية وقفت قدمهم ونزلوا الشباب بيرخموا علي البنات وعملوا دائرة حول البنات البنات خايفين جدا لقوا عربية تانية بتشوف اللي بيحصل البنات صرخوا ساعدونا ساعدونالقوا واحد نزل من العربية وض*ب الشباب كلهم وقالهم انتو كويسين اية ردت عليه اه احنا كويسين شكرا اوى أن انت ساعدنا قالهم هو في حد يمشي في الحته المقطوعة دى اصل احنا لسة خارجين من الدرس طب يلا تعالو اوصلكو في نفس الوقت يا ماما شايفة بنتك اية علشان لما امسكها واض*بها ماتزعليش شايفة اتاخرت ازاى لقيت جرس الباب بيرن اهدي بقي يا بنتي هي جت أهيه روحي افتحي اصبري بس عليا فتحت الباب لقيت الأستاذ وقف قصادي انصدمت اول ما شوفتوا خير يا استاذ في أي حاجة المشروع اتلغي لقيت اية جاية من وراء اتفضل لازم اعرفك علي أهلي مسكت اية من أيدها وبغمز فيها انتي تعرفي دة مديرى اية بتقول اتفضل اتفضل لقيتوا دخل وقعد روحت مسكة اية وشدتها عندى وبقولها في ايه وهو بص عليا وانا ابتسمت ابتسم خفيفة كدة روحت غمزة اية راحت قالتلي اصبري هحكلكم وهحكيت كل اللي حصل معها وازي الأستاذ ساعدهم وصل كل واحدة بيتها انا قولتلك ما تمشي من الطريق دة تاني انتي مش بتسمعي الكلام ليه انتي عايزة يحصلك حاجة احنا هنموت لو حصلك حاجة بعد كدة مفيش مرواح في حته لوحدك والدروس هتخديها هنا في البيت اية فضلت تعيط ودخلت الاوضة لقيتوا بيقولي براحة علي البنت هيا لسة صغيرة مش فاهمة حاجة قعد علي الكرسي هو حضرتك ماخدش رقم العربية لا ملحقتيش لأن اول ما ض*بتهم جريوا بالعربية بسرعة والدنيا كانت طلمة انا متشكرة اوى يا استاذ وانا اسفة علي الازعاج لا ولا يهمك استئذان انا طب قعد اشرب كوباية شاي يا بني شكرا يا امي مرة تانية بعد اذنكم اتفضل شكرا اوى انا مش عارفة لو انت ماجتيش فى الوقت المناسب كانت البنات دى ايه مصيرها شكرا اوى ولا يهمك وقفات الباب وهو مشي دخلت علي اية وخدها في حضنى وقولتلها لو الأستاذ مجاش في وقته كان هيحصل ايه انا اسفة يا جني وفضلت تعيط خلاص خلاص بقي متعيطيش علشان لو فضلتي تعيط كدة انا هعيط انا كمان ومشهتعرفي تسكتيني هههههههه بس قولي لي اية رايك في المدير العصبي حرام عليكى متقولش عليه عصبي دة كيوت اوى دة ايه يا ختي كيوت طب تعالي نتعشاء يا م كيوت اوى حقك ما انتي ماشوفتيش وهو عصبي انتي شوفتي وهو كيوت يلا يا بنت قومى قال كيوت قال هههههههه وطلع يوم جديد قومت علشان اروح الشغل ولقيت ماما محضرة الأكل وبتقولي دا بتاعك ودة بتاع المدير بتاعك ماشي يا ماما بس انتي متوصية بي اوى ياماما هو ابنك ولا انا اللي بينتك يلا يا باكاشة هههههه ماشي يا ماما بقولك ياماما لو اية مارحتش المدرسة النهاردة سبيها مش تغصبي عليها علشان ممكن تكون تعبانه من امبارح ماشي يا حبيبتي وانتي خالي بالك من نفسك ادعيلي يا ماما روحي يا بنتي الهي يوقفلك ولاد الحلال ويسترها معاكي دنيا وآخرة يابنتي انتي واختك. امين يارب العالمين روحت الشغل وزى العادة الأتوبيس اتاخر وروحت الشغل متأخرة لقيت زميلتي جايه بتقولي كل كدة فين الأستاذ كل شوية بيسأل عليكي اعمل اية طيب الأتوبيس ابن الذين ده أن هدخله دخلت المكتب نعم يا استاذ ايه اللي اخرك كدة انا اسفة يا استاذ المواصلات هي اللي اخرتني انا اسفة ماشي يلا روحي شوفي شغلك ماشي روحت علي مكتبي وانا شغالة لقيت محمد عاملة اية يا جنى ازيك يا محمد عامل اية الحمدلله اتاخرتي ليه النهاردة من الأتوبيس يا سيدي ما انا قولتلك اعدي عليكى كل يوم واخدك في سكتي وانتي مش راضية معلش انا بحب اركب الاتوبيسات غاوية تعب بقي نعمل ايه يلا بقي روح اشتغل ولا انت مش وراك شغل ولا ايه لا دا انا ورايا شغل أد كدة طب يلا طب عايزة حاجة لا شكرا يا محمد وانا بشتغل وعيني علي المكتب بتاع المدير وبكلم نفسي هيطلع ولا لا هيطلع لا يوووووه انتي عايزة ايه يعني انتي مالك دا انتي غلسة اوى عيني جات علي الشنطة والأكل اه هروح اديلوا الأكل روحت ودخلت المكتب في حاجة يا آنسة ماما بعتا الأكل ده لحضرتك خلاص ماشي شكرا العفو فضلت وقفة وهو مشغول في الشغل ها في حاجة تاني لا يا استاذ انا محتاج اي مساعدة لا شكرا روحي شوفي شغلك حاضر انا ماشية براحة اوى لغاية ماوصلت المكتب بتاعي لقيت محمد اااااااااه ايه يا بنتي سرحان في ايه مالك اوووف مفيش هو انت فاضي كدة علي طول ماعندكش شغل يا حبيبتي انا اللي بشغل مش بشتغل وانا اي حد ولا ايه ياماما طب يلا علشان المدير وراءك ايه ايه جرى هههههههههه ههههههه يلا يا خواف هههههههه بقي كدة ماشي مش عدهالك علي فكرة يا جنى هههه قال ايه هو انا اي حد يا ماما هههه لقيت الأستاذ بينادى عليا روحت علشان اشوفه نعم يا استاذ بكرة عندنا اجتماع ولازم تروحي علشان تنفذى الفكرة بتاعتك علي المشروع حاضر يا استاذ الاجتماع الساعة كام هيبقي الساعة 6 بس مش هيبقي هنا اومال فين في الغردقة اندهشت اوى فين الغردقة لا انا اسفة يا استاذ انا مش هقدر اروح علي الاجتماع ليه لاني مش هقدر اسيب امي واختي لوحدهم انا اسفة وخرجت من المكتب وان زعلانة اوي يا خسارة گان عندى فرصة كبيرة ان أكون جزء من المشروع خلص يومي من الشغل وروحت وانا زعلانة ومضايقة اية جاية تهزر معايا لقتني مش عايزة اهزر في ايه يا جني مالك مفيش حاجة ماما جاية تقولي مالك يا بنتي مفيش حاجة يا ماما بس كان عندى فرصة كبيرة اني اكون في المشروع بس خلاص بقي طارت لقيت جرس الباب بيرن اية راحت فتحت اهلا وسهلا يا استاذ اتفضل معلش انا اسف علي الازعاج متقولش گدة يا بني البيت بيتك تيجي وتشرف في أي وقت ها يا جنى عاملين ايه انا اسفة يا استاذ مش هقدر اروح علي الاجتماع اجتماع ايه يا بني جني جاتلهة فرصة گبيرة أن هي تكون جزء من المشروع بتاع الشرگة وهما طلبنها بالاسم والانسة مش راضية تروح ليه يا جني في الغردقة يا ماما وهى الغردقة دى بعيد يعني انا هكون معها وهنروح بالعربية وهنجى برضوا بالعربية مش هاسيبها لوحدها طب خلاص يا بنتي ايه المشكلة دلوقتي هيا مش راضية تروح وتسيبكم علي أساس بقي انك سايبة عيال صغيرة هنا روحى روحى هو فى حد يجيلوا الفرصة أن يروح الغردقة وكمان مع ايه شاب كيوت اوى زى دة ويقول لا روحت ض*بها (دي اية )اسكتى روحي يا بنتي متخافيش علينا وانا هيبقي معاكي علي التليفون علي طول ولو في اي حاجة هقولك عليها توكلي علي الله والمكتوب هنشوفوروحي يا بنتي علشان شغلك روحت جريت علي ماما اسيبكم ازاي يا ماما روحي يا بنتي وتقلقيش خاليها علي الله ونعم بالله ها خلاص اكتب اسمك انك هتروحي خلاص ماشي يا استاذ ماشي استئذان انا بقي اية بتقوله خليك معانا شوية شكرا يا ش*ية قعدي ذاكرى شوية حاضر شكرا يا استاذ تشكريني علي ايه انتي اللي اقترحتي الفكرة ومن حقك تنفيذها يلا تصبحو علي خير وحضرتك من أهله يا فندم روحت الشغل ولقيت شيماء جاية بتقولي وانتي فعلا هتنفذى المشروع في الغردقة اه يا شيماء بس المشروع انا اللي تعبت عليه والمفروض انا اللي انفذوا انتي اللي مكنتيش موجودة والاجتماع كان ابتدأ هو علشان انا مكنتيش موجودة تقومي سرقة المشروع بتاعي لا يا شيماء انا ماسرقتيش المشروع الأستاذ هو اللي اتصرفي وانتي مش موجوده روحت انا شرحت الفكرة بتاعتي انا حتي معرفتش فكرتك للمشروع ايه انا غيرت الفكرة كلها بس المشروع ده بتاعي وانا مش هتنازل عن حقي في المشروع لقيت محمد جاي هو في ايه يا جني مالها بيكى دى عيب كدة مهما تكون دي زميلتك مش تقول علها دي علشان عيب لا مش عيب دي بت غلاوية وبتحقد عليكي طول الوقت طب يلا روح علي مكتبك علشان انا مش فاضية اه يا عم هتروح تحضر الاجتماع النهاردة مفيش حد قدق يا جميل لقيت الأستاذ بينادى عليا طب يلا روح علشان الأستاذ بينادى نعم يا استاذ يلا سيئة اللي في ايدك روحى جاهزة نفسك علشان نلحق الاجتماع حاضر يا استاذ وانا هخلاص وهعدى عليكى ماشى يا استاذ يلا روحى مشيت وانا حاسة أن فعلا خد المشروع من شيماء بس مش عارفة اعمل ايه روحت البيت علشان اجهز شنطتي فتحت الباب لقيت ماما مجهزة كل حاجة ليه يا ماما انا كنت جاية اجهزها انا قولت انك هتيجي متأخرة لا ياماما الأستاذ روحاني بدرى علشان اجهز نفسي خلاص يا بنتي مفيش مشكلة شكرا يا ماما اومال فين اية جوه يا ختي مسكة التليفون 24 ساعة وعاملة تتصور بي معرفتش هتعمل ايه بالصور دي كلها سبيها يا ماما تتصور لقيت التليفون بيرن ايوه يا استاذ ها خالصتي ايوه انا جاهزة انا مستنيكم في العربية تحت البيت حاضر انا نزلة حالا دخلت علي اية وخدها في حضني انا ماشية خالي بالك من نفسك ومن ماما انا مش هتاخر اول ما هخلاص هاجى علي طول متتعبيش ماما معاكي وهتصل بيكي كل يوم تبقي ردي عليا حاضر يا اختي ماشي انا نزلة يا ماما خالي بالك من نفسك وادعيلي يا ماما ماشي يا بنتي نزلت انا اسفة يا استاذ اني اتاخرت علي حضرتك ولا يهمك يلا حاضر ركبت العربية ومشينا بالعربية بسرعة كبيرة جدا لو سمحت ممكن تهدي السرعة شوية انا لسة صغيرة عايزة افرح بشبابى ههه ادا هو انت ابتسمت بجد دا انا بحسب انك مش بتعرف تضحك لقيتوا كشر تاني خاليكي في حالك حاضر عارف بقي يا استاذ انا لما كنت صغيرة كنت أحب اركب الموصلات اوى لما كنت اركب الموصلات مع ماما اوبابا كنت افرح اوى كنت بقول اني رايحة اتفصح هههه ولما كنت في المدرسة كانوا أصحابي بيخلوني اغني في الإذاعة المدرسية اصل هما كانوا بيقولوا اني صوتي حلو اوى هو انا فعلا صوتي حلو وعارف كمان لقيتوا فرمل العربية وقالي بس بس بس انا مش عايز اعرف حاجة وانتي مش مطبتلي كلام هههه هما أصحابي برضوا كانو بيقولوا اني رغاية اوى بس انا كنت بس بس بس لو سمعت صوتك تاني هنزلك من العربية حاضر يا استاذ بس احنا هتفضل طول لقيتوا بصلي روحت حطة ايدى علي بوقي وسكت وشاورتلو اني مش هتكلم تاني مشي بالعربية بسرعة وفتحت الشباك وطلعت راسي منه وأيدى لاني كنت فرحانه اوى بالهواء الشديد لقيت نفسي عطشانة اوى طلعت الزجاجة علشان اشرب وهو ماشي في مطب جامد راحت المياه وقعت عليه انا نصدمت وهو وقف العربية فجأة وقالي هو انا معايا بنت اختي ولا ايه انا اسفة يا استاذ ما انت كمان اللي ماشي بسرعة بصلي بنرفزة خلاص اهو مش هشرب تاني لقيتوا خلع الجاكت وهو رياضي والقميص كان جامد عليه فضلت بصالوا لقيتوا مشي بالعربية بسرعة روحت انا بصة الناحية التانية وانا م**وفه لقيتوا ابتسم ابتسامة خفيفة كدة فضلت سكته شوية بس زهقت ومش عارفة اتكلم وكل ما ابصله بلاقي باصص قدمه بس روحت مطلعة سندوتش وباكله بغل اوي وببص السندوتش روحت ماده ايدى ناحيته علي أساس أن هو يأكل لقيتوا بصلي روحت حطة همى في السندوتش وانا بأكل لقيت نفسي نامت وراسي جت علي كتفه وشعرى بيطير علي وشه وقف العربية وعدالني علي الكرسي راح ماشي بالعربية تاني ولقي في مطب المطب حركني وروحت نايمه علي كتفه تاني راح فرمل العربية قومت مفتحة عيني لقيت دماغي علي كتفه قومت مفزوعة انا اسفة يا استاذ ماشي هو لسة فاضل كتير حوالي ساعتين ياه لسة ساعتين ايه تعبتي لا بس زهقت خلاص في السكة استراحة نبقي ننزل نستريح فيها ماشي وجت الاستراحة ونزلنا وقعدنا علي الكافيه ها تشربي ايه قهوة ماشي لو سمحت اتنين قهوة حاضر يا فندم وفي نفس اللحظة كان في تربيزة ورانا شكلها كانوا حرامية وبيتكلمو بيقولوا بص يلا شكله كدة غني وممكن نلاقي مع فلوس نعرف نسافر بيها يلا يلا علشان شكلهم ماشين ايه يا استاذ يلا علشان مش نتأخر يلا روحنا ركبنا العربية ومشينا واحنا ماشين لقينا في ناس واقفة علي الطريق وبيشاورو لينا الأستاذ مش وقف ومشي علي طول ليه يا استاذ استني استني مش يمكن عايزين مساعدة ومش لقين حد يساعدهم بي الحته دي محديش بيقف فيها اكيد حراميه ازاي دة كانت واحدة وشكلها حامل ازاي يعني حراميه هو كنت دخلت جواهم لقيتوا بصلي بنرفزة روحت اتعدلت علي الكرسي بنرفزة لقيتوا مشي بالعربية وانا زعلانة علي الناس اللي كانت وقفة لقيتوا لف بالعربية وراح علشان يساعد الناس اللي كانوا علي الطريق وبيشاورو لينا روحنا عندهم وقفنا بالعربية وانا نزلت علشان اشوف الست اللي كانت وقفة بس اول ما نزلت لقيت الست جريت وفي واحد رافع السلاح عليا وقال انزل لحسن اموتها لقيتوا نزل من العربية ولقي في واحد وراء الحراميه بيقوله طلع كل اللي معاك ماشي ماشي انا هد*ك كل حاجة بس سيبها ها اسيبها اسكت خالص انت فكرني ع**ط علشان اسيبها اسكت خالص وطلع كل اللي معاك ومفاتيح العربية كمان حاضر هو كان بصصلي وغمزني بعينه أن انا اض*ب الرجل اللي وراءها برجلي وفعلا عملت كدة راح هو ض*ب اللي عنده وانا لما هربت من اللي عندى مسكت طوبة وض*بته بيها لقيت الحرامي بيجرى ورايا لكن الأستاذ مسكو وض*به ولقيت الأستاذ بينزل دم كتير من دراعو جريت عليه وقولتلو احنا لازم نروح المستشفي قالي يلا نمشي من المنطقة دي بسرعة ساعدينى اوصل العربية حطيت ايدو علي كتفي وساعدو لغاية ما وصلنا العربية راح ساق بسرعة كبيرة جدا وهو كان تعبان اوي اول وصلنا لحتة امان وقف العربية علشان كان تعبان اوى قعد ادور علي أي حاجة في العربية لقيت علبة إسعافات خدها وطهرت الجروح اللي في واديدو مسكن لقيتوا نام وبعد شوية لقيتوا صحي لاقاني جنبه راح بسرعة كبيرة روحت بعت عنه راح لقيتوا بيسوق العربية من غير ما اتكلم ولا كلمة وانا مش ليا عين اتكلم اصل هقول ايه بصالوا وانا بقولو انت كويس ما رديش عليا انا اسفة يا استاذ انا غلطانة حقك عليا انا السبب في اللي حصلنا دة لقيتوا طلع فيا كالني وقعد يزعق وقالي كلام يزعلني اوي وانا فضلت اعيط جامد لقيتوا وقف العربية وقالي انتي بتعيط لية دلوقتي وحد عملك حاجة انا بقي بعيط راح قالي طب خلاص وداني منديل علشان امسح دموعي لقيتوا بيقولي انا اسف علشان رفعت صوتي عليكي روحت معركة بصوت عالي لقيتوا بيقولي خلاص بقي هو انا مش اتسفتلك وانا بعيط وبقولو انا بعيط علشان انا اللي غلطانه مش انت طب خلاص الحمد لله انها عدت علي خيرالحمد لله بطلي عياط بقي حاضر قولت لنفسي هى دى كمان فيها زعيق بتقولي حاجة لا مفيش حاجة ماشي مشي بالعربية لغاية ما وصلنا في فندق في الغردقة هو كان تعبان اوى وقعد في الاستراحة وانا روحت مليت الاستمارة وخد مفاتيح الاوض هو اوضة وانا اوضة وصلتنا لغاية اوضتوا لقيتوا اترمى علي السرير ونان روحت سيبته وروحت رايحة اوضتي اتصلت بي ماما ايه يا ماما عاملة ايه وأية عاملة ايه احنا كويسين يا بنتي انتي عاملة ايه وصلته ولا لسة اه يا ماما وصلنا الحمد لله طب يا بنتي خالى بالك من نفسك حاضر يا ماما ادعيلي ربنا يوفقك ويسعدك يا بنتي شكرا يا ماما متخليش اية تنزل بي الليل ماشي يا بنتي خالي بالك انتي من نفسك ومتشيليس همنا متقلقيش عليا يا ماما ماشي يا بنتي سلام يا ماما سلام ياحبيبتي انا بكلم نفسي زمان الأستاذ صحي ولا لسةاروح اشوفه ولا لا اية هقوم علشان اشوفه لقيت الباب بيخبط فتحت لقيته قدامي احنا جاين ننام ولا ايه بصتله بغل كدة علي فكرة أنا منامتيش انت اللي نمت طب يلا علشان نروح المشروع حاضر ممكن اغير هدومي وماله كدة ما حلو اهو مش عجبني طب قدامك عشر دقائق وانا هستناكي تحت ماشي في حاجة تانى لا متتاخريش حاضر حاضر بقول في سرى دا انت رخم بتقولي ايه مش بقول حاجة بقول حاضر راح ماشي وانا فقلت الباب وقعد اضحك جامد غيرت هدومى ونزلت لقيتوا قاعد مع واحدة عسولة اوى وحلوة اوى روحت ببصلها من فوق لتحت لقيتوا بيقولي الانسة ريم هى اللي هتساعدك في المشروع وبيعارفة الانسة جني هى صاحبة فكرة المشروع وهى اللي هتنفذه اهلا وسهلا ابتسمت ابتسمة خفيفة وهزت بدماغي بالموافقة لقيتوا سبني ومشي معها وانا اندهشت ولسة واقفة لقيتوا بصلي وشاور أن انا امشى يعنى روحت ماشية وراهم وانا زعلانة ومضايقة وهو ماشي معها وعاملين يتكلموا روحنا ركبنا العربية لسة هي هتركب جنبة روحت انا بسرعة مسكت باب العربية وانا اللي قعد جنبه وهي قعدت على الكنبة اللي وراء وانا فرحانة اوى لقيتوا هو بصلي روحت سكت وروحنا المشروع وفضلنا نشتغل وكل شوية عيني تيجى عليه وهو كمان كان كل شوية بيبصلي خلصنا شغل وكنت تعبت اوى روحت الاوضة علشان استريح شوية ونمت وهو كمان راح الاوضة علشان يستريح وجاه الليل وصحيت روحت لقيت لسة بدري اوى علي اليوم الجديد فتحت التليفزيون برضوا زهقانة ومخنوقة يوووووو هو انا هفضل محبوسة في الاوضة دى انا هنزل طب انا معرفش حاجة هنا انا هروح للاستاذ وفعلا روحت خبت علي الاوضة نعم فضلت ساكتة مش عارفة اقول ايه هتفضلي ساكتة كدة كتير عايزة ايه اتخديت هو حضرتك هتنام تاني وانتي مالك اصل اصل ايه اصل انا زهقانة وعايزة أخرج وصراحة انا اول مرة اجاي هنا ومش عارفة اي حاجه خالص هنا وعايزة أخرج طب وانا مالي ما ما انت اللي هتخرجنيلا ياماما يلا روحي نامي والنبي والنبي والنبي انا خائفة أخرج لوحدى ارجوووووووك طب خلاص اسكتي روحي غيرى هدومك عقبال انا متغير هدومى حاضر حاضر بجرى بقي وانا فرحانة اوى اني انا هخرج معه وفعلا روحت مغيره خدوني وليست فستان شيك اوي وجميل وتمكياجت مكياج خفيف اوى لقيت الباب بيخبط فتحت الباب لقيت الأستاذ اول ما شافني اندهش وما نزيلش عينه من عليا روحت انا بصة في الأرض وان**فت بقوله واحنا هنقف كدة كتير ولا ايه لقيتوا هز دماغه كدة أنه فاق يعني اه اه يلا بينا يلا روحنا ماشين وخرجنا ولقيتوا ودانى مكان حلو اوى يشبه الجزيرة كدة قعدنا فيها والجو كان برد اوى خلع الجاكت وحطه علي كتفي شكرا ممكن اسالك سؤال بس مش تزعقلي قالي اتفضلي قولتله هو انت مش بتضحك ليه وعلي طول عصبي وعلي طول بتزعق ليه دى الدنيا حلوة ولو انت مش بتضحكلها هي مش هتضحكلك لقيتوا سرحان وانا بگلم في وهو مش بيرد عليا لقيتوا فجأة يلا كفاية كدة لالا والنبي مالينا شوية قولت يلا بزعيق جامد روحت قولت حاضر ومشينا بالعربية وطول الطريق متضايق وسرحان بقوله هو انا غلط في حاجة طب انا قولت حاجة تضايق حضرتك لقيتوا سرع السرعة بتاعت العربية وانا سكت روحنا الفندق بسرعة رهيبة جدا حتي واحنا داخلين الفندق سابني ومشي وانا رايحة الاوضة عاملة افكر هو انا عملت ايه ولا قولت ايه اكيد في حاجة هو مش عايز يقولي عليها ودخلت الاوضة وانا لسة سرحان وعاملة افكر هو ليه اتضايق اول ما انا قولت كدة وفضلت كدة لغاية اليوم الجديد مانمتش طول الليل قومت لبست بنطلون اسود وبلوزة بيضاء علشان اروح المشروع روحت علشان اشوفه واخبط عليه الباب مفيش حد بيرد فضلت اخبط شوية علي الباب برضوا مفيش حد بيرد نزلت سألت عليه تحت قابلت الانسة ريم بعد اذنك ماشوفتيش الأستاذ سامي ده هو في المشروع من الصبح بدرى استخربت اوى هو ليه راح من غير ما يخدني معه مشيت وانا مضايقة اوى ومتنرفزة روحت رايحة المشروع علشان اشتغل لقيتوا هناك ولسة هقبله ورايحة هقوله انت ليه مشيت وسبتني بس كل ما هروح ألقي حد يكلمني في الشغل مش كنت عارفة اروح وكلموا انشغلت في الشغل جامد وهو كمان كان مشغول اوى لغاية ما خلصنا الشغل قولت فرصة هروح اكلموا لقيتوا مشي بالعربية روحت انا مشيت وروحت الفندق لقيتوا بيقولي حضرى نفسك علشان هنروح بكره بكره اه راح سبني ومشي استغربت اوي أن إحنا هنمشي بكرة ولسة المشروع ماخلصيش روحت طالعة الاوضة بتاعتي مش كان جايلي نوم وكنت محتارة وعايزة اعرف احنا هنروح لية وفي ايه روحت مخبطا على الاوضة بتاعته لقيتوا طالع وهو سكران وشارب بيقولي ايه انتي عايزة ايه سيبني في حالي ولقيتوا هيقع روحت مسكته وسنته ودخلتوا اوضته لقيتوا بقي عمال يقول كلام مش مفهوم وبيقول حادثة وبنته ومراته وبيقول كلام انا مش فاهمة روحت نايمته علي السرير وعدالته وغاطيته وانا طالعة مسك ايدي متسبنيش خاليكي معايا متروحيش في حته وتسبينى لوحدي خالكي معايا يا هند انصدمت واندهشت وكنت عايزة اعرف مين هند هو معقول يكون متجوز روحت ساحبة ايدى من ايده روحت ماشية وقفلت الباب جاه يوم جديد لقيتوا بيخبط علي الباب فتحت الباب وانا معايا شنطتى روحت قولت انا جاهزة لقيتوا بيقولي بسرعة دى اه طب يلا هو نزل وانا معه ركبنا العربية روحنا ماشين واحنا في السكة انا قعدة سكتة وهو مش متعود انى انا ابقي ساكتة كدة بيقولى هو في أي حاجة قولت لا مفيش حاجة حضرتك في أي مشكلة لا طبعا مفيش اى مشكلة ماشي لقيتوا ماسك دماغه بقوله هو في حاجة انت تعبان ردعليا وقالى عندى صداع جامد اوي روحت مطلعة شريط للصداع روحت قولتله خد حبايه هتريحك وفعلا خد حبايه وكمل الطريق بقوله ممكن اسالك سؤال قالى اسألي بقوله مين هند لقيتوا بصلي بنرفزة راح فرمل العربية وقالي انتي عرفت منين هند انت امبارح كنت تعبان وقعد تبرطم بالكلام وتقول حادثة ومراتي وبنتي وكنت بتقول كدة طب خلاص ماجبيش سيرة الموضوع دة تاني انتي فاهمه بنرفزة وزعيق كدة روحت اتخديت اوى وسكت وفعلا مش اتكلمت معه تاني وهو مشي بالعربية بسرعة كبيرة جدا لدرجة أن احنا وصلنا مكنتيش مصدقة اني احنا وصلنا بسرعة دى روحت ولقيت ماما وأية في البيت جني جني حمدالله على السلامه يا بنتي ها جبتيلي ايه بقي من الغردقة الشنطة عندك طلعي وخدى اللي انت عايزة روحت سايبهم ودخلت اوضي وانا سرحانه وزعلانه ماما دخلت عليا في ايه يا بنتي مالك حصل حاجة يا بنتي لا يا ماما مفيش حاجة لا يا بنتي شكلك كده في حاجة حصلت لا ياماما متخافيش عليا تعالي تعالي دا انا جايبه لكم حاجات كتير حلوه اوي تعالي شوفيهم خدها وطلعت وغيرت الموضوع وعدي اليوم ودخلت اوضتي ونمت وطلع يوم جديد وروحت علي شغلي في الشركة لكن ماشوفتوش كان عندى شغل كتير اوي لقيت محمد جاي وقالي انا عايزك في خدمة ايه هيه قالى في ملفات موجودة في الارشيف وانا عايزة ومينفعش انا هروح اجيبها لاني عندى قضية ولازم اروح احضرها دلوقتي ومفيش وقت ادخل الارشيف سكت شوية وقولت بس انا عندي شغل كتير اوي لازم هخلصوا لقيتوا سكت روحت قولتله خلاص ماشي قولي ايه الملفات اللي انت عايزة قالي علي الملفات خلاص ماشي ماتقلقيش انا هجيبهملك شكرا اوى يا جني انا مش عارف اشكرك ازاي شكرا اوي سلام روحت رايحة الارشيف وهو اوضة مالينة ملفات كتيرة وكراتين كتيرة اوى وكلها تراب فضلت ادور علي الملفات اللي محمد قال عليها وانا بدور لقيت كرتونة فيها صور وانا بشافها لقيت صورة للاستاذ وهو لوحده وبيضحك قولت لنفسي ما اهو بيضحك اومال ليه

Free reading for new users

Scan code to download app

App Store Google Play

Facebookexpand_more