Maagang gumising si Astrid upang maghanda ng agahan dahil ito ang unang beses na mapaghahandaan n'ya ng agahan ang ina magmula nang umalis s'ya sa probinsya nila. Nilinisan n'ya muna ang kusina at siniguro n'ya na maayos at maaliwalas ang daratnan ng ina n'ya 'pag bumabà na ito at bumangon mula sa pagkakahimbing nito. Iluluto n'ya ngayon ang beef steak na talaga namang paboritong kainin ng mama n'ya noon na palagi rin na iniluluto ng dad n'ya sa kanilang magkakapatid sa tuwing nagkakasama-sama sila ng mga ito.
Nang maalala n'ya ang mga masasayang tagpong iyon sa buhay ng pamilya n'ya ay may halong panghihinayang s'yang naramdaman kung paano nagtapos ang lahat sa kanila. Ngayon ay tila estranghero na sila sa isa't isa ng ina n'ya at maging ang mga kapatid n'ya na nang nalaman niyang buhay
