Mabilis na humarurot ang motor na minamaneho ni Gaurav at dahil doon ay mas lalo pang humigpit ang pagkakayakap ni Astrid sa baywang n'ya na siyang gustong gusto nga niyang mangyari. Lihim siyang napangiti, hindi n'ya alam kung bakit ito sumama sa kan'ya at kung ano ang mga nasa isip nito basta ang mahalaga ngayon ay kasama n'ya ito at hindi sila nito nag-aaway. Saka na lang siguro n'ya iisipin ang iba pang mga bagay kapag huminto na sila sa isang lugar na nagbibigay sa kan'ya sandali nang katahimikan.
Napansin niyang tila naging mas kalmado na ito ngayon na nakaupo habang ang mga bisig nito ay nakayakap nang mahigpit sa mga baywang n'ya, naisip niyang mas mabuti sigurong ganito na lang sila habang panahon. Ngunit alam naman niyang hindi iyon maaari kung kaya't sinulit na lamang n'ya ang
