Nagmamadaling lumakad si Astrid at abot abot ang kaba n’ya sa mga sandaling iyon. Hindi n’ya alam kung anong kagagahan ang nagtulak sa kan’ya para patakasin pa ang mga ito samantalang kung gugustuhin n’ya kanina ay madali lang siyang nakatawag ng back up para sana maisama nila ang grupong iyon. Natanaw n’ya sa kanto si Dani na nag-aabang na ng masasakyan nila at kumaway ito pagkakita sa kan’ya. Nilingon n’ya muna ang daraanan bago s’ya tumawid patungo sa pinsan n’ya.
“Ate Sa’n ka pa ‘ba nagpunta sino ‘ba ang poging mamang ‘yon?” bungad na tanong sa kan’ya ni Dani nang nakalapit na s’ya rito. Tumaas ang kilay n’ya pagkarinig sa sinabi nito. Bata pa ito ngunit marunong na ito kumilala ng guwapo sa pangit kaya napangiti na lang s’ya at kinusot ang ulo nito.
“Ikaw talagang bata ka ang dami
