Habang inilalabas ni Dr. Ruiz ang mga first aid kit nito ay iginala n'ya ang paningin sa kabuuan ng opisina nito. Sakto lang ang laki no'n at may inclined chair sa isang tabi. Dito na rin siguro ito natutulog kapag off nito at walang pasyente dahil naroon ang ilang mga pillows nito at may kumot pa. Noong bata pa s'ya pangarap talaga niyang maging doktor. Iyon ang malinaw sa alaala n'ya noon pero bukod doon ay wala na rin s'yang gaanong maalala na bagay sa kabataan n'ya.
"Nasaan na nga pala si Sir Morgan boss Gaurav?" maya maya ay tanong nito sa kan'ya nang inilapit na nito ang panglinis ng sugat n'ya at idinampi iyon sa braso n'ya. Mahapdi pa rin pala iyon 'pag ginalaw akala n'ya kahapon ay malapit na iyon gumaling. Mahapdi talaga ang mga sugat 'pag sinasariwa mo ito at pilit mong ginaga
