Bandang huli ay nagawa rin pigilan ni Gaurav ang sarili na labasin ang dalaga at kuwestyunin ito sa dinala nitong gulo kagabi sa kanila. Nakita n'yang medyo kumalma na ito sa galit nang humingi ng tawad dito si Migos. Hindi nga nagtagal at lumakad na ito at umalis patungo sa mismong loob ng ospital din na 'yon kung saan nila balak din magpunta ngayon.
"Okay na po boss," ani Migos nang pumasok muli sa loob ng kotse at nakangiti na ito. Tumaas ang kilay n'ya at bahagyang na-curious kung ano naman kaya ang sinabi nito sa babaeng tigreng iyon upang manahimik na ito.
"Ano'ng sinabi mo sa kan'ya? Binayaran mo 'ba?" buong pagtataka na tanong n'ya rito.
"Hindi po boss, ang sabi ko kasi manganganak na si misis kaya nagmamadali talaga tayo ngayon," nakangiti nitong paliwanag.
Umalingawngaw ang
