Habang ginagawa nila ang abseilling o building rappelling ay may mga taong dumungaw sa kanila mula sa basag na bintana ng opisina ni Mr. Cleofard Xian. Siyempre pa ay hindi nila ang mga ito hahayaang basta na lang sila ng mga ito tignan habang bumaba sila sa mataas na building na iyon dahil alam naman nila na maaari sila ng mga itong targetin o barilin habang bumababa na sila. Makapal ang rope na gamit nila at gayon din ang pagkakalapat niyon sa friction device kung kaya't tiwala sila sa ganoong paraan ng paglabas nila sa lugar na iyon.
Kung pipilitin pa kasi nilang daanan ang mga lugar na dinaanan nila papunta roon ay baka maubos na ang mga dala nilang ekstrang bala at bukod pa ro'n ay marami pa ang mga madadamay na mga sibilyan sa habulan nila ng mga tauhan nito na siyang ayaw niyang ma
