Sa wakas ay mabilis na rin na natapos ang lahat ng pag-aayos sa magiging isang malaking pagdiriwang ng ika-animnapu'ng kaarawan ni Morgan Luper at hindi s'ya makapaniwala na kahit mag-isa lamang s'ya ay nagawa niya iyong maipaasikaso at ang kinalabasan nga niyon ay isang kahanga hangang ambiance sa malawak na hardin nilang iyon sa mansyon.
Napapalibutan ang buong paligid ng mga silver na palamuti na may patong na kulay gold. Ang mga lamesa ay nababalutan ng mga puting tela at maayos na nakahilera ang 'di mabilang na mga upuan. Naglagay din ang mga ito ng poste sa magkabilang gilid ng isang maliit na pasadyang stage, kung saan ay doon s'ya sasampa upang magbigay s'ya ng maikling pagbati sa mga dadalo sa kan'yang kaarawan.
Halos mga kasamahan n'ya lang naman sa organisasyon ang mga bisita
