Madilim na rin kaya nagpasya na sila Helix na kinabukasan na lang nila gawin ang unang sabak sa training na pangungunahan ni Conrad. Napasarap kasi ang kuwentuhan ng grupo nila kanina matapos na makapananghalian dahil na rin sa makuwento si Conrad at agad naman itong nakapalagayan ng loob ng mga kasama n'ya. Natutuwa siyang isipin na kahit na iilan lamang sila sa grupo, ay pawang magkakasundo ang bawat isa sa kanila na siyang mahalagang pundasyon sa isang makabuluhan at matatag na samahan nila sa kanilang grupo.
Inilabas ni Conrad ang gitara n'ya na noon pa mang mga edad nila na kasalukuyan silang nagsasanay sa kampo ay siyang hilig na talaga nitong pampalipas oras. Napangiti s'ya nang maalala n'ya ang mga panahong iyon kasama na rin ang mga kalokohan nila noong kabataan nila. Wala pa rin
