Natagpuan ni Gaurav ang sarili n'yang naglalakad sa kalsada ilang kilometro pa lamang ang layo n'ya mula roon sa pinanggalingan niyang warehouse ng TLP group na kanina balak lang sana niyang manmanan dahil ang sabi sa kan'ya ni Jed ay posibleng doon n'ya matagpuan ang isa sa tauhan n'ya dahil may duda silang nakikipagsabwatan na ito noon pa man sa grupong iyon kung bakit ganoon na lang kalakas ang loob nitong kalabanin sila. Ngunit sa halip na ang matagpuan n'ya roon ay ang talipandas niyang tauhan mula sa kabilang team ay si Astrid ang nakita n'yang naroon at hinahabol ng mga tauhan ni Mr. Bantas. Nagtataka man sa pakay ng babae roon ay hindi na s'ya nagpokus sa posibleng dahilan nito. Marahil ay tulad sa grupo nila ay iniimbestigahan din nito ang kabilang grupo. Hindi n'ya mapigilang mag
