Alam niyang nagtaka sa kan'ya si Phoenix dahil sa medyo kakaiba niyang pakikiharap dito kanina ngunit alam naman niyang para sa ikabubuti iyon ng samahan nila. Kanina ay gusto sana nitong sumama sa kan'ya at nakagayak na nga ito, ngunit sinabi niyang s'ya na lang mag-isa ang aalis. Hindi n'ya lang alam kung susunod ito sa kan'ya dahil siyempre pa, may katigasan din ang ulo no'n tulad n'ya.
'Pag pinipigilan ay lalong nangigigil. Sa isang banda namam ay tila gusto niyang makonsesya dahil alam niyang buo ang suporta nito sa lahat ng mga ginagawa n'ya at kung gaano nito kagustong masaksihan ang karera niya ngayon. Paano kung wala naman talaga itong alam sa lahat? Kahit pa oo ang maging sagot sa tanong na iyon ay iisa pa rin ang patutunguhan niyon, at iyon ay walang iba kung hindi ang pagpan
