Matapos malaman mula kay Jed ang posibleng kinaroroonan ng mag-amang Lorie ay hindi na nag-aksaya pa ng panahon si Helix na hanapin na agad ang mga ito. Ngayon higit kailanman kinakailangan n'yang makaharap na ang mga ito. Bitbit lamang ang sarili at dalawang armas n'ya ay wala na siyang ibang dinala bukod pa roon. Nagpupumilit na sumama sa kan'ya kahit na si Jed at Migos ngunit hindi n'ya na pinahintulutan ang mga ito. Ibinilin na lamang n'ya na asikasuhin ng mga ito ang labí ng ama n'ya sakali mang dumating na ito galing morgue at hindi na rin n'ya ito magawang silipin man lang gaya nang una n'yang plano sana bago s'ya umuwi ng Maynila.
Nahihiya s'ya sa ama n'ya sa totoo lang dahil hanggang sa huling mga sandali ng buhay nito ay pakiramdam n'ya binigo n'ya ito. Napahamak ito ng dahil s
