Ganoon na lang ang labis na gulat at pagkamangha nang magtama ang mga mata ni Astrid at ng inaakala niyang estranghero na humawak bigla sa mga bisig n'ya. Namamasa man ng luha ang mga mata dulot ng mahapding hangin at masangsang na amoy sa loob ng pinasok na bungalow ay nagawa n'ya pa rin itong makilala. Walang iba kung hindi ang nag-iisa niyang matagal nang hinahanap na kapatid n'ya. Si Sid! Mabilis s'ya nitong hinila patungo sa gilid ng malaking makina na pinagkukublihan n'ya at pabulong na nagsalita.
"Astrid! Anong gingawa mo rito?"
Gulat na tanong nito sa kan'ya habang palinga-linga ito sa paligid nila. Nakasuot ito ng jacket na leather at ang pang-ibaba nito ay lumang maong na kupas na may mga butas butas na disenyo, malayo sa dati ay pormal lamang nitong mga pang-araw araw na kasu
