HALOS bawat galit na pagkalampag ng Senyora Melida sa pinto ng silid ng Senyorito Raphael ay mapatalon ako sa takot at nerbyos.
"Open this door, hindi pa tayo tapos mag-usap! At anong karapatan mong bagsakan na ako ng pinto habang kaharap ka?! Makakarating 'to sa tatay mo!"
Halos umaalingawngaw sa hallway sa labas ng silid ang boses nito, palagi naman siyang galit at nakasigaw sa aming mga kasambahay nila rito sa mansyon pero iba talaga ang ingay niya ngayon.
Parang todo-todo ang pag-akyat ng dugo sa ulo niya dahil sa matinding galit, hindi niya siguro inasahan na pagsasaraduhan siya ng pinto sa padabog na paraan ng Senyorito, tapos sumagot pa nang pabalang sa kaniya.
"Ilabas mo ang muchacha na iyan! Pinagtatanggol mo?! Bakit?! Anong mayroon?! Huwag mong sagarin ang pasensya ko!"
Hu
