Natahimik kaming dalawa, matapos naming pag usapan ang tungkol sa guardian. Kaya naman naisipan ko nang itanong sa kanya ang tungkol doon sa mga sandatang dapat kong makuha sa kaharian nina Izyll.
"Iyong tungkol sa mga sandata," mayamaya ay sabi ko.
Napatango siya.
"Yes, tungkol doon ay kailangan mo talagang makuha ang ilan sa pwedi mong gamitin. Ngunit may paraa pa naman para hindi mo ituloy ang pagpasok mo sa kaharian nina Izyll," saad niya sa akin.
"Oh? Paano naman?" tugon ko sa kanya.
"Iyon ay kung sasama ka na sa kanila at malaman na ni Heart ang lahat. Maari ka nang hindi pumunta pa doon. Ngunit iyon nga, kapag nagtagal ka pa dito ay talagang maraming mangyayari. Nasaiyo na kung hahayaan mong magpagala-gala ang mga taga-itim dito at idamay ang mga malalapit na tao sa buhay mo,"
