جنوني وعنادك

الفصل الخامس

كاميليا مكملة بنبرة مستنكرة:" وبعدين مين اللي قال ان فريده و آسر هيتخطبوا.. اصلا كلها اشاعات متصدقيش كل حاجة تسمعيها.."

فريده وهي تنظر لكاميليا برفعة حاجب ونظرة حادة تجعلها تبتلع باقي كلماتها وتتحدث بنبرة متعجبة:" الله جاسمين باين فيه حد بينده عليكي.."

جاسمين وهو تتلفت حولها بحيرة مرددة وهي تمط شفتيها بتعجب:" اه طيب انا هروح هناك..."

كاميليا وهي تلوي شفتيها بإمتعاض مغمغمة بنبرة حانقة:" انسانه فضوليه تموت في النميمة.."

فريده وهي تزم شفتيها بغيظ قائلة بنبرة خافتة حادة بإستنكار:" وانتي ما شاء الله عليكي ماصدقتي.. ولوكلوك لوكلوك معاها مش كده!.."

كاميليا وهي تنظر لها بإرتياب قائلة بنبرة متوجسة بحذر:" شكلك مودك قالب بعد اللي حصل.. اهدي مش انتي اللي عملتي كده مش قولتلك بلاش.."

فريدة وهي تجز على اسنانها بنفاذ صبر هاتفة بنبرة غاضبة بتحذير متوعد:" احنا هنعيده تاني؟.. بقولك ايه انا على اخري بدل ما اطلعهم عليكي.."

كاميليا وهي ترفع يديها مهدئة بنبرة متوترة:" وعلى ايه منا عارفه جنانك.. بس برضو مش هسيبك بصي هبات معاكي النهارده و هنشوف هتعملي ايه.."

فريدة وهي تشيح بيدها قائلة بعدم إهتمام :" اوك وانا هطلع بره شويه اصلي اتخنقت.."

كاميليا برفعة حاجب ونبرة متهكمة ذات مغزى: على فكرة هو مشي.."

فريده وهي تقرن حاجبيها باستغراب مصطنع متسائلة بعدم فهم: هو مين اللي مشي؟.."

كاميليا بنفس الهيئة وابتسامة ماكرة:" آسر اللي عنيكي بتدور عليه مشي, هو و يوسف من شويه.."

فريدة وهي تزم شفتيها بغل قائلة بسخرية مستاءة:" هه اكيد راح يروق دمه بعد اللي حصل, ميقدرش يضيع وقت كازنوفا.."

>>>>>>>>>>>>>>>>>>>>>>>>>>>

بعد إنتهاء الحفلة كان كل من فريدة وكاميليا في غرفة فريدة

حيث كانت تبكي بشدة وهي تنعي حبها الضائع وقلبها المحطم متحدثة بنبرة غير مفهومة من بين شهقاتها

وكاميليا تحاول تهدئتها ومواساتها لمصابها ولكنها لم تفلح معها..

كاميليا وهي تزفر بنفاذ صبر هاتفة بنبرة حانقة:" يا امي ارحميني كفايه عياط.. مش انتي اللي عملتي كده حد؟.. كان ض*بك على ايدك؟.. مش قلتلك بلاش من الاول.."

فريدة وهي تشهق باكية متحشرجة بإستنكار:" امال كنتي عيزاني اعمل ايه بعد ما عرفت؟.. اوافق عليه واكون ضحيه رهان بينه وبين صحابه.. و في الاخر يسبني؟.. لا مش انا اللي يتعمل فيا كده.."

كاميليا وهي تمط شفتيها متسائلة بتعجب:" امال بتعيطي ليه دلوقتي ها؟.."

فريده وهي تقرن حاجبيها بحزن ترد عليها بخفوت متألمة بقلة حيلة:" بحبه.. بحبه اوي يا كاميليا.. مش قادرة اتخيل انه يعمل فيا كده.. معقول الانسان اللي حبيته من وانا عندي 16 سنه يطلع كده؟..

ده انا دخلت هندسه علشان اكون معاه كنت بحاول الفت انتباهه باي طريقة, ويوم ما يقولي بحبك يطلع كذاب, و بيتراهن عليا ليه عملتله ايه؟.."

كاميليا بنبرة تقرير موضحة:" فريده انتي عارفة ان اللي زي آسر مش بتاع حب و جواز, هو عمل كده علشان الرهان.. انا اصلا كنت مستغربه من قرار خطوبته ليكي فجاة كده.."

فريده برفعه حاجب هاتفة بحدة متوعدة باستنكار:" ليه ان شاء الله ماشبهش ولا ايه؟.. ما تعدلي كلامك امال.."

كاميليا وهي تلوي شفتيها مغمغمة بسخرية:" من ناحيه تشبهي تشبهي بلد.."

ثم تنظر لها بإبتسامة هادئة مردفة بتعليل:" مقصدش.. بس اسر كازنوفا يسيب معجبيه ويرتبط بواحده بس ده من رابع المستحيلات.."

فريدة وهي تزم شفتيها وبوجه باكي متذمرة:" بس انا حبيته.. ومش قادرة ابعد عنه.."

كاميليا وهي تحرك حاجبيها بتسلية ونبرة إعجاب شاردة بحالمية:" بصراحة الواد يتحب.. مز كده وطول بعرض وعنيه رمادي, حاجة كده استغفر الله العظيم تشيلك ذنوب.."

فريده وقد أحتقن وجهها صادحة بعصبية متوعدة بغيظ:" نعم, انتي بتعا**يه قدامي.. ما تتلمي شويه ولا سكتناله دخل بحماره, اتلمي وعدي ليلتك اللي مش فايته دي.."

كاميليا وهي تلوي شفتها العلوية قائلة بنبرة مستنكرة:" الله انتي مش خلاص سبتيه, وقولتيله كده سبينا ناخد فرصتنا بقى.."

فريده وهي تجز على اسنانها مزمجرة بنبرة قاتمة:" شكلي كده هرتكب فيكي جنايه النهارده.."

كاميليا وهي تتن*د بهيام:" هاااااااااااااااااااح بصراحة واد جامد اخر حاجة ولا عليه غمازات يا لهوووووووووووي.."

في حين قامت فريده تتلفت حولها تبحث عن شيء ما محدثة نفسها بحيرة:" راح فين ده كان هنا.."

كاميليا متسائلة بإهتمام:" بتدوري على حاجة يا ديدا قوليلي اساعدك.."

فريده وهي تمسك بمسطرة هندسيه كبيرة من الخشب وإبتسامة رضا هادئة:" لا لقيتها.."

كاميليا وهي تقرن حاجبيها باستغراب متسائلة بتعجب:" هتعملي بيها ايه ديه يا فريده دلوقتي؟.."

فريدة وهي تهز رأسها تجيبها بهدوء مريب:" ابدا انا هفهمك غلطك و اصلحلك مخك.."

كاميليا متسائلة بحيرة:" ازاي؟.."

فريدة وهي ترفع يدها في وضعية الهجوم تنطلق صوب كاميليا, ومعالم وجه مرعبة, صادحة بقوة مخيفة:" ابدا هفتح نفوخك, واطلعه واغسله علشان يشتغل على نضافة.."

وبدات بالاستعداد لض*ب كاميليا التي ركضت في ذعر صارخه بإستنجاد..

كاميليا وهي تحاول تفادي فريدة هاتفة بذعر:" عرفاكي مجنونه وتعمليها, انتي هتطلعي عليا عرقك التركي.."

ثم تكمل معتذرة:" انا كنت بهزر والله بس علشان اخليكي تفكي من المود ده خلاص.."

فريدة بعد ان تركت المسطرة وعدلت من ملابسها قائلة بتوعد مُحذرة :" ايوه كده اتعدلي.."

ومن ثم ت**ت ناظرة للفراغ بتفكير, جعل كاميليا تنظر لها بإرتياب..

كاميليا متسائلة بحذر:" فريده انتي مالك سكتي مرة واحده كده ليه بتفكري في ايه.."

فريده بعد تفكير محدثة نفسها بتساؤل مضيقة عينيها ناظرة لكاميليا:" هو انا اللي عملته ده صح مش كده, انا كان لازم اعلمه الادب.."

كاميليا وهي تبتلع ريقها بتوتر, ونبرة عدم ارتياح:" اه انتي بتفكري في ايه؟.. سكوتك ده بيخوفني انتي شكلك ناويه على مصيبه ربنا يستر.."

فريدة بأريحيه غير مناسبه لوضعها الحالي, تبتسم وتهز كتفها بلامبالاة:" طب ما كده قشطة.. امال انا قلباها دراما كده ليه؟.. وبعدين اكيد البيه بيروق في حته دلوقتي ولا همه حاجة.. وانا اللي بتحرق هنا خلاص بقى, انا هفكني منه.."

كاميليا وهي تنظر لها بأعين متسعة مذهولة هامسة بنبرة مشدوة بتقرير:" لا اشهد انك مجنونه رسمي.. امال العياط وبحبه والشحتفة اللي انتي كنتي فيها من شويه دي ايه!.."

فريده وهي تلوي شفتيها تجيبها بعدم اهتمام:" عادي بصي انا قررت اعيش حياتي وهوريه انا مين.."

كاميليا وهي تشيح بيدها بنفاذ صبر يائسة:" بصي اعملي اللي انتي عايزاه, اصلا المجانين في نعيم وانتي اصلا ابراج مخك طايرة من زمان.."

فريده متسائلة بتعجب:" بتقولي حاجة يا كامي.."

ثم تقرن حاجبيها مكملة بإنزعاج:" انتي رغايه النهارده كده ليه؟.. يلا نامي صدعتيني.."

كاميليا وهي تعدل نفسها للنوم هامسة بإبتسامة صفراء:" ابدا انا كنت بقولك هنام انا كمان تصبحي علي خير.."

وبهمس لنفسها:" اصلا آسر اترحم من جنانك.."